قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين «قازاقتەلەكومدى» دەمونوپوليزاتسييالاۋ تۋرالى تٷسٸنٸك بەردٸ, دەپ حابارلايدى قازاقپارات.
بٷگٸن مەجٸلٸستٸڭ جالپى وتىرىسىنان كەيٸن تٸلشٸلەر مينيستردەن تەلەكوممۋنيكاتسييا سالاسىن دەمونوپوليزاتسييالاۋ قادامدارىنا قاتىستى سۇرادى.
«جاڭا قازاقستان اياسىندا جاڭا شەشٸمدەرگە جول بەرٸلٸپ جاتىر. تەلەكوم نارىعىندا بەسەكەلەستٸكتٸ ورتانى كٷشەيتۋ نازارعا الىنىپ وتىر. جالپى, بۇرىن نارىقتا وسىنداي جاعداي (مونوپوليزم) بار ەكەنٸن ٷنەمٸ كٶتەرٸپ كەلدٸك. «قازاقتەلەكومعا» قاتىستى توقتالساق, ولارعا ەكٸ وپەراتوردى ساتىپ الۋعا رۇقساتتى مەن بەرگەن جوقپىن, ولارعا بۇرىنعى ٷكٸمەت رۇقسات بەردٸ. شامامەن, 5 جىل بۇرىن ساتىپ العان بولاتىن. 2020 جىلدان بەرٸ بٸز ولارعا قاتىستى باقىلاۋ جۇمىستارىن كٷشەيتٸپ, ينتەرنەت ساپاسى بويىنشا تالاپتاردى قويدىق», - دەدٸ مۋسين.
سونىمەن قاتار مينيستر تيٸستٸ زاڭ جوباسى اياسىندا دەپۋتاتتارمەن بٸرلەسە تيٸستٸ ايىپپۇلدار سوماسىن ارتتىرۋ مەسەلەسٸ تالقىلانىپ جاتقانىن جەتكٸزدٸ.
«تاعى بٸر مەسەلە – راديوجيٸلٸكتەر مونوپوليياسى. «قازاقتەلەكوم» اق-عا بارلىق راديوجيٸلٸكتەردٸڭ 75 پايىزى تيەسٸلٸ ەكەنٸن, وسىعان قاتىستى تيٸستٸ شەشٸم جاساۋ ۇسىنىسىن ايتتىم. 2021 جىلى راديوجيٸلٸكتەر بويىنشا سوت ارقىلى تيٸمدٸ پايدالانىلماعان 8 وبلىس اۋماعىنا قاتىستى «قازاقتەلەكومنان» راديوجيٸلٸكتەردٸ الىپ قويدىق. قازٸر اۋكتسيون بويىنشا ولاردى تاراتامىز», - دەدٸ ول.
مۇنىمەن قوسا مينيستر ٶتكەن جىلى جاڭا وپەراتورلاردىڭ پايدا بولۋىنا مٷمكٸندٸك بەرٸلگەنٸن ايتتى.
