Foto: gov.kz
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Jibek Joly arnasyna bergen suhbatynda Qazaqstandaǵy internettiń sapasyn sýdyń sapasyna teńedi, dep habarlaidy Kazinform.
«Mysaly, qazir Qaraǵandy qalasynda shaǵyn aýdandar bar. Sý aǵyzsań, sapasy nashar. Biraq turǵyndar sol sýǵa aqsha tólep jatyr ǵoi. Endi osyndai zańsyzdyq bar», — dedi ministr.
Onyń málimetinshe, soǵan qaramastan sýmen jabdyqtaýshy uiymdar tarifti kótergen.
«Soǵan qaramastan tarifti kóterip jatyr. Jýyrda 1,5 ese kóterdi. Ondai zańsyzdyq bar. Men kelisemin. Bylai aitaiyn. Bizdiń birinshi satydaǵy máselemiz — naryqty shynymen naryq etý. Qazir qarasańyz, «Qazaqtelekomnyń» ishinde eki operator ǵana bar. Tolyqqandy naryq qalyptasý úshin keminde bir-birinen táýelsiz úsh operator básekelesip jumys isteýi kerek. Sonda ǵana ádil tarif, ádil sapa, ádil qyzmet kórsetý bolady. Sondyqtan biz Úkimettiń atynan «Samuryq-Qazynanyń» aldyna mindetteme qoidyq. «Qazaqtelekomǵa» tiesili bir operatordy satý kerek. Bir investor taba ma, shetelden bireý kele me, qazaqstandyqtardan bireý taba ma, ashyq aýktsionǵa qoia ma, ózi biledi. Kelesi jyldyń ortasyna deiin osyny oryndaý kerek», — dedi vedomstvo basshysy.
