فوتو: gov.kz
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين Jibek Joly ارناسىنا بەرگەن سۇحباتىندا قازاقستانداعى ينتەرنەتتٸڭ ساپاسىن سۋدىڭ ساپاسىنا تەڭەدٸ, دەپ حابارلايدى Kazinform.
«مىسالى, قازٸر قاراعاندى قالاسىندا شاعىن اۋداندار بار. سۋ اعىزساڭ, ساپاسى ناشار. بٸراق تۇرعىندار سول سۋعا اقشا تٶلەپ جاتىر عوي. ەندٸ وسىنداي زاڭسىزدىق بار», — دەدٸ مينيستر.
ونىڭ مەلٸمەتٸنشە, سوعان قاراماستان سۋمەن جابدىقتاۋشى ۇيىمدار تاريفتٸ كٶتەرگەن.
«سوعان قاراماستان تاريفتٸ كٶتەرٸپ جاتىر. جۋىردا 1,5 ەسە كٶتەردٸ. ونداي زاڭسىزدىق بار. مەن كەلٸسەمٸن. بىلاي ايتايىن. بٸزدٸڭ بٸرٸنشٸ ساتىداعى مەسەلەمٸز — نارىقتى شىنىمەن نارىق ەتۋ. قازٸر قاراساڭىز, «قازاقتەلەكومنىڭ» ٸشٸندە ەكٸ وپەراتور عانا بار. تولىققاندى نارىق قالىپتاسۋ ٷشٸن كەمٸندە بٸر-بٸرٸنەن تەۋەلسٸز ٷش وپەراتور بەسەكەلەسٸپ جۇمىس ٸستەۋٸ كەرەك. سوندا عانا ەدٸل تاريف, ەدٸل ساپا, ەدٸل قىزمەت كٶرسەتۋ بولادى. سوندىقتان بٸز ٷكٸمەتتٸڭ اتىنان «سامۇرىق-قازىنانىڭ» الدىنا مٸندەتتەمە قويدىق. «قازاقتەلەكومعا» تيەسٸلٸ بٸر وپەراتوردى ساتۋ كەرەك. بٸر ينۆەستور تابا ما, شەتەلدەن بٸرەۋ كەلە مە, قازاقستاندىقتاردان بٸرەۋ تابا ما, اشىق اۋكتسيونعا قويا ما, ٶزٸ بٸلەدٸ. كەلەسٸ جىلدىڭ ورتاسىنا دەيٸن وسىنى ورىنداۋ كەرەك», — دەدٸ ۆەدومستۆو باسشىسى.
