QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev iri kólemdegi alaiaqtyq boiynsha ustalǵan Almaty oblysy ákiminiń orynbasary Baǵdat Manzorovqa qatysty istiń toqtatylýyna pikir bildirdi, dep habarlaidy "Ult aqparat".
«Biz óz pikirimizdi aittyq, qazir eshteńe dei almaimyn. Bas prokýratýranyń jaýabyn alýymyz qajet. Protsedýralar bar, merzimder bar. Sondaǵy belgili bir deńgeilerdi ustaný qajet. Orynbasar orynbasarǵa jazýy kerek nemese men jazýym qajet. Biz óz kózqarasymyzdy aittyq jáne óz ustanymymyzda qalamyz», - dedi A. Shpekbaev tilshilerge bergen suhbatynda.
Eske salsaq, Almaty oblysy ákiminiń orynbasary Baǵdat Manzorov ustalǵany týraly buǵan deiin habarlaǵan bolatynbyz. QR Sybailas jemqorlyqqa qarsy is-qimyl agenttigi oǵan QR Qylmystyq kodeksiniń 190-baby, 2-bóligi, 2-tarmaǵy («Laýazymyn paidalaný arqyly asa iri kólemdegi alaiaqtyq») boiynsha aiyp taqty.
Keiin Bas prokýratýra Baǵdat Manzorovqa qatysty qylmystyq is toqtatylǵanyn resmi túrde málimdedi. Kóp uzamai sheneýnik óz qyzmetine qaita kiristi.
Óz kezeginde agenttik Bas prokýratýranyń bul sheshimine narazylyq tanytty.
