Sońǵy aptada elimizde koronavirýs indetin juqtyrý derekteri azaiyp kele jatyr. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy QazAqparat.
«Sońǵy 2 aptadaǵy jaǵdaidy salystyrmaly túrde jetkizsem, tamyzdyń 3-9-y aralyǵynda koronavirýsty 7 108 adam juqtyrǵan. 222 adam qaitys boldy. PTR-test teris nátije kórsetken 7 940 jaǵdai tirkelgen. 122 adam kóz jumdy», - dedi ol Ortalyq kommýnikatsiialar qyzmetindegi brifing barysynda.
Resmi ókildiń aitýynsha, tamyzdyń 10-16-sy aralyǵynda jaǵdai birshama ózgerdi.
«Iaǵni, sońǵy aptada COVID-19 virýsyn 3 995 adam juqtyrdy. 151 adam qaitys boldy. PTR-test teris nátije kórsetken 5 344 jaǵdai tirkeldi. 64 adam qaitys boldy. Osy atalǵan kestege qarap, elimizde indet juqtyrý jaǵdaiy azaiyp kele jatqanyn baiqaýǵa bolady», - dedi Baǵdat Qojahmetov.
Al endi koronavirýsqa uqsas, biraq PTR-test teris nátije kórsetken jaǵdailar boiynsha jalpy málimet mynadai. Qazirgi sátte 18 606 naýqas tirkeldi. 218 adam qaitys boldy. Sońǵy bir táýlikte 141 adamnyń aýyrǵany anyqtaldy.
