Baǵany jasandy jolmen ustap turý gaz tapshylyǵyn týyndatýy múmkin. Memleket basshysy Qasym-Jomart Toqaev Úkimettiń keńeitilgen otyrysynda osyndai pikir aitty, dep habarlaidy QazAqparat.
«Qazaqstannyń ekonomikalyq jáne áleýmettik ál-aýqatynda gaz salasy mańyzdy ról atqarady. Jańa ónerkásip obektilerin engizý jáne eldi gazben qamtý esebinen ishki naryqta gazdy tutyný jyl saiyn artyp keledi. Keiingi 10 jylda eki eseden astam – 9 milliardtan 19 milliard tekshe metrge deiin ósti.
Elimizde kelesi jyldyń ózinde gaz tapshylyǵy bolatyny týraly boljamdar aitylyp júr. Bul rette, gazdy eksporttyq naryqtan ishki naryqqa qaita baǵdarlaý – valiýtalyq túsimniń joǵalýyna jáne saýda teńgeriminiń nasharlaýyna ákeletin májbúrli qadam ekenin túsiný kerek», - dedi Qasym-Jomart Toqaev.
Prezident atalǵan problemany sheshý úshin resýrstyq bazany ulǵaityp, gazdy qaita óńdeý sharalaryn jolǵa qoiý qajettigin eske saldy.
«Gaz óndirý men óńdeýdi ulǵaita otyryp qana memleket eksporttan paida taýyp, ishki qajettilikterdi tolyq kólemde qamtamasyz ete alady. Sondyqtan, gaz óndirý jónindegi jańa jobalardyń fiskaldyq preferentsiialaryn pysyqtaǵan jón.
Sondai-aq, Úkimet ulttyq kompaniialar arasynda fýnktsiialardy naqty bólýge tiis. Biz suiytylǵan munai gazynyń bólshek saýdadaǵy baǵasyn retteý merzimin osy jyldyń sońyna deiin uzartýǵa májbúr boldyq. Alaida, bolashaqta baǵany jasandy jolmen ustap turý tapshylyqqa ákelýi múmkin. Bul – naryq zańy. Sondyqtan, Úkimet baǵa aýytqýlaryna jol bermei, saýda-sattyqty bastaý sharalaryn qabyldaýy kerek», - dedi Memleket basshysy.
