باعانى جاساندى جولمەن ۇستاپ تۇرۋ گاز تاپشىلىعىن تۋىنداتۋى مٷمكٸن. مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا وسىنداي پٸكٸر ايتتى, دەپ حابارلايدى قازاقپارات.
«قازاقستاننىڭ ەكونوميكالىق جەنە ەلەۋمەتتٸك ەل-اۋقاتىندا گاز سالاسى ماڭىزدى رٶل اتقارادى. جاڭا ٶنەركەسٸپ وبەكتٸلەرٸن ەنگٸزۋ جەنە ەلدٸ گازبەن قامتۋ ەسەبٸنەن ٸشكٸ نارىقتا گازدى تۇتىنۋ جىل سايىن ارتىپ كەلەدٸ. كەيٸنگٸ 10 جىلدا ەكٸ ەسەدەن استام – 9 ميللياردتان 19 ميلليارد تەكشە مەترگە دەيٸن ٶستٸ.
ەلٸمٸزدە كەلەسٸ جىلدىڭ ٶزٸندە گاز تاپشىلىعى بولاتىنى تۋرالى بولجامدار ايتىلىپ جٷر. بۇل رەتتە, گازدى ەكسپورتتىق نارىقتان ٸشكٸ نارىققا قايتا باعدارلاۋ – ۆاليۋتالىق تٷسٸمنٸڭ جوعالۋىنا جەنە ساۋدا تەڭگەرٸمٸنٸڭ ناشارلاۋىنا ەكەلەتٸن مەجبٷرلٸ قادام ەكەنٸن تٷسٸنۋ كەرەك», - دەدٸ قاسىم-جومارت توقاەۆ.
پرەزيدەنت اتالعان پروبلەمانى شەشۋ ٷشٸن رەسۋرستىق بازانى ۇلعايتىپ, گازدى قايتا ٶڭدەۋ شارالارىن جولعا قويۋ قاجەتتٸگٸن ەسكە سالدى.
«گاز ٶندٸرۋ مەن ٶڭدەۋدٸ ۇلعايتا وتىرىپ قانا مەملەكەت ەكسپورتتان پايدا تاۋىپ, ٸشكٸ قاجەتتٸلٸكتەردٸ تولىق كٶلەمدە قامتاماسىز ەتە الادى. سوندىقتان, گاز ٶندٸرۋ جٶنٸندەگٸ جاڭا جوبالاردىڭ فيسكالدىق پرەفەرەنتسييالارىن پىسىقتاعان جٶن.
سونداي-اق, ٷكٸمەت ۇلتتىق كومپانييالار اراسىندا فۋنكتسييالاردى ناقتى بٶلۋگە تيٸس. بٸز سۇيىتىلعان مۇناي گازىنىڭ بٶلشەك ساۋداداعى باعاسىن رەتتەۋ مەرزٸمٸن وسى جىلدىڭ سوڭىنا دەيٸن ۇزارتۋعا مەجبٷر بولدىق. الايدا, بولاشاقتا باعانى جاساندى جولمەن ۇستاپ تۇرۋ تاپشىلىققا ەكەلۋٸ مٷمكٸن. بۇل – نارىق زاڭى. سوندىقتان, ٷكٸمەت باعا اۋىتقۋلارىنا جول بەرمەي, ساۋدا-ساتتىقتى باستاۋ شارالارىن قابىلداۋى كەرەك», - دەدٸ مەملەكەت باسشىسى.
