Foto: primeminister.kz
Premer-ministr Álihan Smaiylov baǵany kóterip jatqan kásipkerler týraly aitty, dep habarlaidy Sputnik Qazaqstan agenttigi.
"Baǵany negizsiz ósirý jaǵdailaryn jii baiqaimyz. Keibir adal emes kásipkerler, ásirese, taýardy kóterme baǵamen jetkizetinder salyqtan qashady, ia bolmasa, ekstra marja tabamyz dep, san alýan ailaǵa baryp jatady. Qanttan da solai paida kórdi. Sonda jeke bastyń qamyn oilaidy, baiyp alýdy kózdeidi. Biraq bunyń barlyǵy ortaq múddege qaishy. Ondaiǵa jol berýge bolmaidy", - dedi Smaiylov.
Al jýrnalisterge suhbat bergen Úkimet basshysynyń orynbasary – Saýda jáne integratsiia ministri Serik Jumanǵarin shaǵyn kásipkerler de baǵany negizsiz ósiretinin ashyq aitty. Máselen, byltyr Qazaqstanda jinalǵan kúrish ishki suranysty tolyǵymen óteýge jetkilikti boldy. Soǵan qaramastan keibir dúkenderde kúrishtiń baǵasy tómendemei tur.
"Men Astana qalasynyń ákimimen sóilestim. Olar turaqtandyrý qorlarynan iri saýda ortalyqtaryna taýar jetkizip turady. Baǵasy tómen. Al kishkentai dúkender sony satyp alady da, halyqqa qymbatqa satady. Oǵan biz ne istei alamyz? Bul – taza alyp-satarlyq", - dep atap ótti Jumanǵarin.
Onyń aitýynsha, iri saýda ortalyqtarynda kúrishti arzan baǵaǵa tabýǵa bolady. Ony da turaqtandyrý qorlarynan jetkizip otyrady.
