Búgin Úkimet alańynda onlain-rejimde ótken otyrys qorytyndysy boiynsha QR Saýda jáne integratsiia ministri Baqyt Sultanov tótenshe jaǵdai kezinde azyq-túlikpen jáne alǵashqy qajetti taýarlarmen qamtamasyz etý týraly aityp berdi, dep habarlaidy QazAqparat primeminister.kzsaityna silteme jasap.
«Qazirgi tańdaǵy basty mindetimiz – halyq tirshiligin azyq-túlikpen jáne alǵashqy qajettiliktegi taýarlarmen úzdiksiz qamtamasyz etý. Úkimet aldyna qoiylǵan bul mindet Memleket basshysynyń keshegi jarlyqtarynda jáne úndeýde aityldy. Osy kúrdeli jaǵdaida azyq-túlik qaýipsizdigi tolyq qamtamasyz etiletini aityldy. Joǵaryda atap ótkenimizdei, taýarlardy artyǵymen satyp alyp, dúrligýdiń qajeti joq. Barlyq saýda nysandary tolyq rejimde jumys isteidi. Iri nysandar boiynsha shekteý bar. Bul, azamattarymyzdyń qaýipsizdigi úshin ǵana jasalǵan. Degenmen, tutastai alǵanda, ónimmen qamtamasyz etý tolyq kólemde uiymdastyrylady. Ol úshin qosymsha sharalar qabyldandy», — dep túsindirdi B. Sultanov.
Birinshiden, ákimdikter básekelestikti damytýdy qorǵaý organdarymen, sondai-aq tutynýshylardyń quqyqtaryn qorǵaý organdarymen birlesip baǵa ózgeristerine turaqty monitoring júrgizedi, baǵany sóz bailasyp belgileýdi boldyrmaidy.
«Baǵanyń negizsiz ósýine áreket jasaǵan kásipkerlerge baǵa ótken aptanyń basyndaǵy deńgeiine oralýy tiis ekenin habarlaimyn. Eger bulai bolmasa, onda barlyq qolda bar quraldar qoldanylatyn bolady. Sonyń ishinde joǵaryda aityp ótkenimdei, Prezident Jarlyǵynda aitylǵandai, Úkimetke shekti baǵalardy engizýge múmkindik berildi. Bul, eń sońǵy shara, biraq bul bizdiń kásipkerler TJ kezinde biznes tarapynan áleýmettik jaýapkershilikti de qamtamasyz etý qajettigin túsinýi úshin tiimdi qural. Osyndai jaǵdaida azamattardan paida taýyp qalýǵa biz jol bermeimiz», — dep málimdedi saýda ministri.
Ekinshiden, taýarlardy teńdestirilgen jáne óńiraralyq bólý úshin vedomstvoaralyq ózara is-qimyl qamtamasyz etiletin bolady. Qazirgi jaǵdaida óńirler azyq-túlikti jetkizýdi qamtamasyz etýmen belsendi ainalysady jáne óńiraralyq jetkizilim uiymdastyrylǵan. QR AShM tarapynan ónim óndirýshiler men treiderlerdiń tizimi boiynsha tiisti aqparat óńirlerge berildi.
Úshinshiden, «ainalym shemasy» dep atalatyn baǵany tejeýdiń naryqtyq quraldaryn qoldaný keńeitildi. Jergilikti atqarýshy organdar saýda jelilerimen belsendi jumys júrgizýde, olar azyq-túlik óndirýshilermen tikelei jumys isteý jáne olardy salý boiynsha ózine mindettemeler alady, onyń ústine qazir jetkizý maýsymy, onyń ishinde ońtústiktegi kórshilerden bastalady jáne bul shema ótken jyly jaqsy nátijeler kórsetti. Barlyq oblystar osy shemaǵa belsendi túrde qosylady.
Tórtinshiden, taýarlar tapshylyǵy oryn alǵan jaǵdaida Turaqtandyrý qorlary men Memlekettik materialdyq rezervter komiteti de taýar interventsiialaryn júrgize alady. Biraq mundai tapshylyq bolady dep kútilmeidi.
Besinshiden, jergilikti atqarýshy organdardyń belsendiligi pysyqtalýda jáne kóshpeli saýda baǵdarlary bekitiledi.
«Dúrlikpe jasaýdyń qajeti joq. Jergilikti atqarýshy organdar saýda nysandarymen birlesip, ónimniń qoljetimdiligin barynsha qamtamasyz etetin bolady. Tek iri saýda ortalyqtarynyń jumysy shektelgen, tek saýda-oiyn-saýyq bóliginiń jumysy toqtatylǵan, degenmen SOSO-lardaǵy fýd-korttarǵa ónimdi úige jetkizýge kóshýge múmkindik berildi», — dep túiindedi B. Sultanov.
