"Qyrǵyzstandaǵy prezident sailaýynda kandidattarǵa birdei jaǵdai jasalǵan joq" dep málimdedi 16 qazanda prezidenttikten basty úmitker bolǵan Omýrbek Babanov.
"Sailaý ótti. Onyń nátijeleri bar. Halyq óz sózin aitty" degen Babanov daýys berý kezinde zań buzýshylyq bolǵanyn, qazir óz shtaby olar týrly faktiler jinap jatqanyn aitty.
Sailaýdan keiin Bishkekte ótkizgen baspasóz konferentsiiasynda Babanov "sailaý básekelestik sipatta ótkenimen, kandidattardyń barlyǵyna birdei jaǵdai jasalmaǵanyn" aitty. Sailaýshylaryna alǵys bildirgen saiasatker Babanov budan keiin de úkimetke óz baǵdarlamasyn usyna beretinin jetkizdi.
Ol jańa sailanǵan prezidenttiń moinynda úlken jaýapkershilik júktelgenin aityp, odan basqa básekelesteriniń jaqtastaryn qýdalamaýdy surady.
Babanov keibir sailaý ýchaskelerinen daýys berý hattamalaryn áli ala almai jatqanyn aityp, zań buzý faktileri tekserilip jatqanyn bildirdi.
Omýrbek Babanovtyń baspasóz konferentsiiasy
Qyrǵyzstan Ortalyq sailaý komissiiasynyń (OSK) sońǵy málimeti boinsha, sailaýda Sotsial-demokratiialyq partiiasynyń kandidaty Sooronbai Jeenbekov sailaýshylardyń 54,81 paiyz daýsyn jinady. Onyń basty qarsylasy, parlamenttegi "Respýblika - Ata-Jýrt" fraktsiiasynyń jetekshisi Omýrbek Babanov 33,74 paiyz daýys ielendi.
