Strategiialyq josparlaý jáne reformalar jónindegi Agenttik tóraǵasynyń orynbasary J. Mádiev bastaǵan qazaqstandyq delegatsiia Birikken Arab Ámirlikterine jumys saparymen bardy, dep habarlaidy «KAZAKH INVEST» Ulttyq kompaniiasy» AQ baspasóz qyzmeti.
Delegatsiia quramyna Ulttyq ekonomika Vitse-ministri M.Iýsýpov, Aýyl sharýashylyǵy Vitse-ministri N. Daiyrbekov, «Astana» halyqaralyq qarjy ortalyǵy men «KAZAKH INVEST» UK AQ ókilderi kirdi.
Sapar aiasynda BAÁ-niń energetika jáne infraqurylym ministri Sýheil Ál-Mazrýimen, Abý Dabi Ámirliginiń Saýda-Ónerkásip palatasynyń basshylyǵymen, «Mubadala», «ADQ», «AbuDhabiInvestmentAuthority», Abý Dabi baǵaly qaǵazdar birjasy jáne «AbuDhabiGlobalMarket» halyqaralyq qarjylyq erkin aimaǵy siiaqty BAÁ iri investitsiialyq qorlary men qarjy uiymdarynyń birinshi tulǵalarymen jeke ekijaqty kezdesýler ótti.
Sapar QR Premer-ministri A. Maminniń kelesi jyldyń qazan aiynda BAÁ-ne jumys sapary barysynda qol qoiylǵan QR úkimetteri men BAÁ investitsiialyq yntymaqtastyq jónindegi memorandýmdy iske asyrý sheńberinde uiymdastyryldy.
Joǵaryda atalǵan investitsiialyq jáne qarjy uiymdarymen kelissózder barysynda elde júrgizilip jatqan reformalar, atap aitqanda, zańnamalyq sharttardyń turaqtylyǵyn jáne preferentsiialardyń keń paketin berýdi kózdeitin strategiialyq investitsiialyq kelisim sheńberinde iri investitsiialyq jobalardy qoldaýdyń jańa quraldary usynyldy.
Kelissózder barysynda taraptar ekonomikanyń negizgi sektorlarynda qosylǵan quny joǵary jáne eksporttyq áleýeti joǵary jańa óndirister qurýdy kózdeitin, somasy 5 milliard AQSh dollarynan asatyn investitsiialyq jobalardy iske asyrý perspektivalaryn qarastyrdy.
Osylaisha, kelissózder barysynda arab investorlaryna shamamen 1,5 milliard AQSh dollary somasyna AÓK salasyndaǵy jobalar usynyldy.
Usynylǵan jobalar BAÁ-niń 2051 jylǵa deiingi azyq-túlik qaýipsizdiginiń qabyldanǵan strategiiasy sheńberinde negizgi azyq-túlik taýarlary tobyna engizilgen joǵary sapaly ónim óndirýge baǵyttalǵanyn atap ótken jón. Jobalardy birlesip iske asyrý Qazaqstanǵa BAÁ júzege asyryp jatqan azyq-túlik qaýipsizdigi strategiiasynyń mańyzdy býynyna ainalýǵa múmkindik beredi jáne eki el arasyndaǵy taýar ainalymyn odan ári arttyrýǵa yqpal etetin bolady.
Sonymen qatar, birlesken jobalardy iske asyrýdyń, Ámirlikter tarapynyń qazaqstandyq naryqta qatysýyn keńeitýdiń neǵurlym perspektivaly baǵyttary aiqyndaldy jáne taý-ken óndirý, munai-gaz himiiasy, agroónerkásiptik jáne farmatsevtikalyq salalardaǵy ózara is-qimyldy damytý jónindegi odan arǵy qadamdar týraly pikir almasyldy.
Qazaqstandyq delegatsiianyń jumys sapary qazaqstandyq ekonomikanyń basym salalaryna sheteldik investitsiialardy tartý jáne qazaqstandyq taýarlardyń eksportyn sheteldik naryqtarǵa jyljytý jónindegi mindetter aiasynda ótti. Jalpy, Ámirlikter biznesi bizdiń elmen saýda-ekonomikalyq jáne investitsiialyq ózara is-qimyldy tereńdetýge óziniń daiyndyǵy men múddeliligin kórsetip otyrǵanyn atap ótken jón.
