ستراتەگييالىق جوسپارلاۋ جەنە رەفورمالار جٶنٸندەگٸ اگەنتتٸك تٶراعاسىنىڭ ورىنباسارى ج. مەديەۆ باستاعان قازاقستاندىق دەلەگاتسييا بٸرٸككەن اراب ەمٸرلٸكتەرٸنە جۇمىس ساپارىمەن باردى, دەپ حابارلايدى «KAZAKH INVEST» ۇلتتىق كومپانيياسى» اق باسپاسٶز قىزمەتٸ.
دەلەگاتسييا قۇرامىنا ۇلتتىق ەكونوميكا ۆيتسە-مينيسترٸ م.يۋسۋپوۆ, اۋىل شارۋاشىلىعى ۆيتسە-مينيسترٸ ن. دايىربەكوۆ, «استانا» حالىقارالىق قارجى ورتالىعى مەن «KAZAKH INVEST» ۇك اق ٶكٸلدەرٸ كٸردٸ.
ساپار اياسىندا باە-نٸڭ ەنەرگەتيكا جەنە ينفراقۇرىلىم مينيسترٸ سۋحەيل ەل-مازرۋيمەن, ابۋ دابي ەمٸرلٸگٸنٸڭ ساۋدا-ٶنەركەسٸپ پالاتاسىنىڭ باسشىلىعىمەن, «Mubadala», «ADQ», «AbuDhabiInvestmentAuthority», ابۋ دابي باعالى قاعازدار بيرجاسى جەنە «AbuDhabiGlobalMarket» حالىقارالىق قارجىلىق ەركٸن ايماعى سيياقتى باە ٸرٸ ينۆەستيتسييالىق قورلارى مەن قارجى ۇيىمدارىنىڭ بٸرٸنشٸ تۇلعالارىمەن جەكە ەكٸجاقتى كەزدەسۋلەر ٶتتٸ.
ساپار قر پرەمەر-مينيسترٸ ا. ماميننٸڭ كەلەسٸ جىلدىڭ قازان ايىندا باە-نە جۇمىس ساپارى بارىسىندا قول قويىلعان قر ٷكٸمەتتەرٸ مەن باە ينۆەستيتسييالىق ىنتىماقتاستىق جٶنٸندەگٸ مەموراندۋمدى ٸسكە اسىرۋ شەڭبەرٸندە ۇيىمداستىرىلدى.
جوعارىدا اتالعان ينۆەستيتسييالىق جەنە قارجى ۇيىمدارىمەن كەلٸسسٶزدەر بارىسىندا ەلدە جٷرگٸزٸلٸپ جاتقان رەفورمالار, اتاپ ايتقاندا, زاڭنامالىق شارتتاردىڭ تۇراقتىلىعىن جەنە پرەفەرەنتسييالاردىڭ كەڭ پاكەتٸن بەرۋدٸ كٶزدەيتٸن ستراتەگييالىق ينۆەستيتسييالىق كەلٸسٸم شەڭبەرٸندە ٸرٸ ينۆەستيتسييالىق جوبالاردى قولداۋدىڭ جاڭا قۇرالدارى ۇسىنىلدى.
كەلٸسسٶزدەر بارىسىندا تاراپتار ەكونوميكانىڭ نەگٸزگٸ سەكتورلارىندا قوسىلعان قۇنى جوعارى جەنە ەكسپورتتىق ەلەۋەتٸ جوعارى جاڭا ٶندٸرٸستەر قۇرۋدى كٶزدەيتٸن, سوماسى 5 ميلليارد اقش دوللارىنان اساتىن ينۆەستيتسييالىق جوبالاردى ٸسكە اسىرۋ پەرسپەكتيۆالارىن قاراستىردى.
وسىلايشا, كەلٸسسٶزدەر بارىسىندا اراب ينۆەستورلارىنا شامامەن 1,5 ميلليارد اقش دوللارى سوماسىنا اٶك سالاسىنداعى جوبالار ۇسىنىلدى.
ۇسىنىلعان جوبالار باە-نٸڭ 2051 جىلعا دەيٸنگٸ ازىق-تٷلٸك قاۋٸپسٸزدٸگٸنٸڭ قابىلدانعان ستراتەگيياسى شەڭبەرٸندە نەگٸزگٸ ازىق-تٷلٸك تاۋارلارى توبىنا ەنگٸزٸلگەن جوعارى ساپالى ٶنٸم ٶندٸرۋگە باعىتتالعانىن اتاپ ٶتكەن جٶن. جوبالاردى بٸرلەسٸپ ٸسكە اسىرۋ قازاقستانعا باە جٷزەگە اسىرىپ جاتقان ازىق-تٷلٸك قاۋٸپسٸزدٸگٸ ستراتەگيياسىنىڭ ماڭىزدى بۋىنىنا اينالۋعا مٷمكٸندٸك بەرەدٸ جەنە ەكٸ ەل اراسىنداعى تاۋار اينالىمىن ودان ەرٸ ارتتىرۋعا ىقپال ەتەتٸن بولادى.
سونىمەن قاتار, بٸرلەسكەن جوبالاردى ٸسكە اسىرۋدىڭ, ەمٸرلٸكتەر تاراپىنىڭ قازاقستاندىق نارىقتا قاتىسۋىن كەڭەيتۋدٸڭ نەعۇرلىم پەرسپەكتيۆالى باعىتتارى ايقىندالدى جەنە تاۋ-كەن ٶندٸرۋ, مۇناي-گاز حيميياسى, اگروٶنەركەسٸپتٸك جەنە فارماتسەۆتيكالىق سالالارداعى ٶزارا ٸس-قيمىلدى دامىتۋ جٶنٸندەگٸ ودان ارعى قادامدار تۋرالى پٸكٸر الماسىلدى.
قازاقستاندىق دەلەگاتسييانىڭ جۇمىس ساپارى قازاقستاندىق ەكونوميكانىڭ باسىم سالالارىنا شەتەلدٸك ينۆەستيتسييالاردى تارتۋ جەنە قازاقستاندىق تاۋارلاردىڭ ەكسپورتىن شەتەلدٸك نارىقتارعا جىلجىتۋ جٶنٸندەگٸ مٸندەتتەر اياسىندا ٶتتٸ. جالپى, ەمٸرلٸكتەر بيزنەسٸ بٸزدٸڭ ەلمەن ساۋدا-ەكونوميكالىق جەنە ينۆەستيتسييالىق ٶزارا ٸس-قيمىلدى تەرەڭدەتۋگە ٶزٸنٸڭ دايىندىعى مەن مٷددەلٸلٸگٸن كٶرسەتٸپ وتىرعانىن اتاپ ٶتكەن جٶن.
