Nur-Sultan qalasy men Pavlodar jáne Atyraý oblystarynda azyq-túliktiń eń qymbat baǵasy tirkeldi.
Bul týraly QR Saýda jáne integratsiia ministri Baqyt Sultanov málim etti, dep habarlaidy QazAqparat.
«Jyl basynan beri baǵanyń eń joǵary ósimi Nur-Sultan qalasynda (15,6%), Pavlodar (15,4%) jáne Atyraý oblystarynda (12,9%) tirkeldi. Áleýmettik mańyzy bar taýarlardyń 19 túri bar tiziminiń segizi boiynsha baǵanyń 10%-ten 30%-ke deiin edáýir ósýi baiqalady. Qant pen qaraqumyq jarmasy siiaqty importqa táýeldi taýarlardyń baǵasy qarqyndy ósti. Oǵan jyl ishinde valiýta baǵamynyń jáne álemdik baǵanyń ósýi sebep boldy. Qant pen qaraqumyq negizinen Reseiden importtalady, sáikesinshe taýarlar 33,6% jáne 34,6%-ke qymbattady», - dedi Baqyt Sultanov Úkimettiń búgingi otyrysynda.
Sonymen birge, eksportqa baǵdarlanǵan keibir taýarlar da qymbattady.
«Kúnbaǵys maiy álemdik baǵanyń 53,8%-ke, kartop eksporttyń 46,1%-ke ósýine bailanysty qymbattady. Taýyq sanynyń azaiýy men óndiristiń 6,3%-ke tómendeýi saldarynan jumyrtqanyń baǵasy ósti. Atalǵan bes taýardyń qymbattaýy azyq-túlik infliatsiiasynyń jalpy mólsherinde mańyzdy ról atqardy. Olardy esepke almaǵanda baǵanyń jalpy ósimi aǵymdaǵy 9,6%-tiń ornyna shamamen 2%-ti qurar edi», - dep túsindirdi ministr.
