Biyl azyq-túlikke jatpaityn infliatsiia 5,6-dan 6,4 paiyzǵa deiin jedeldedi. Búgin Úkimet otyrysynda QR Ulttyq bank tóraǵasy Erbolat Dosaev osylai málim etti, dep habarlaidy QazAqparat.
«Osy jylǵy sáýirde Qazaqstanda infliatsiia azyq-túlik infliatsiiasynyń baiaýlaýy, azyq-túlikke jatpaityn jáne servistik komponentterdiń jedeldeýi kezinde ótken aidaǵy 7 paiyz deńgeiinde saqtaldy. Azyq-túlik infliatsiiasy nan-toqash ónimderi, et, qant jáne jemis-kókónis ónimderi baǵasy ósýiniń tejeýildeýi aiasynda 10,7-den 9,8 paiyzǵa deiin baiaýlady. Iskerlik belsendiliktiń jandanýy, halyq kiristeriniń qalpyna kelýi jáne importtyń ósýi aiasynda azyq-túlikke jatpaityn infliatsiia 5,6-dan 6,4 paiyzǵa deiin jedeldedi. Azyq-túlikke jatpaityn taýarlar baǵasynyń ai saiynǵy ósýi 2017 jylǵy qazannan bastap eń joǵary mándi kórsetedi. Kiim-keshek pen aiaq kiimge baǵanyń ósý qarqyny jyldyq mánde 5,5 paiyzǵa deiin jedeldedi», - dedi UB tóraǵasy.
Sonymen birge ol munai ónimderin tasymaldaý tarifteriniń artýy nátijesinde ishki usynystyń tómendeýi aiasynda osy jyldyń basynan bastap benzin baǵasynyń 11,6 paiyzǵa ósýi baiqalǵanyn aitty.
«Osy jylǵy 27 sáýirde Ulttyq bank azyq-túlik taýarlaryna syrtqy baǵalardyń ósýine, saýda áriptes elderdegi infliatsiianyń jedeldeýine bailanysty proinfliatsiialyq faktorlardyń saqtalý aiasynda +/-1,0 paiyzdyq tarmaq dálizimen jyldyq 9,0 paiyz deńgeiinde bazalyq stavkany saqtaý týraly sheshim qabyldady», - dedi ol.
