Foto:shutterstock.com
Aqyly qyzmetterge bir jylda baǵa 13,3% (2023 jylda – 12,4%), azyq-túlik emes taýarlarǵa – 8,3% (2023 jylda – 9,1%), azyq-túlik taýarlarǵa – 5,5% ósti (2023 jylda – 8,5%). Bul týraly málimetti Ulttyq Statistika Biýrosy jariialady dep habarlaidy Ult.kz.
Qazaqstan Respýblikasyndaǵy infliatsiia 2023 jylda 9,8%-dan 2024 jylda 8,6%-ǵa deiin baiaýlady. Bir aida infliatsiia 0,9% qurady (aldynǵy aidaǵydai).
Ótken jylmen salystyrǵanda tarifter sýyq sýǵa – 43,1%, sý burýǵa – 25,7%, ortalyqtan jylytýǵa – 22,3%, ystyq sýǵa – 19,2%, elektr energiiasyna – 18,4%, taratý jelileri boiynsha tasymaldanatyn gazǵa – 12,1%, qoqys shyǵarýǵa 10,3% ósti.
Baǵa keshendi demalystardy uiymdastyrý qyzmetterine – 23,9%, bailanys qyzmetterine – 16,8%, shashtarazdar men jeke qyzmet kórsetý oryndary qyzmetterine – 12,5%, densaýlyq saqtaý qyzmetterine – 11,1%, jeke kólik quraldaryna tehnikalyq qyzmet kórsetý jáne jóndeýge – 10,9%, qoǵamdyq tamaqtandyrý qyzmetterine – 10,4%, demalys jáne sporttyq is-sharalar salasyndaǵy qyzmetterine 9,5%, joǵarylady. Jolaýshylar temir jol kóligimen jol júrý – 24,9%, qalalyq avtobýspen – 11,8%, jolaýshylar áýe kóligimen 10,1% qymbattady. Turǵyn úidi jalǵa alý tólemi 12,3% ósti.
Baǵa deńgeii dybys-beine sholý jabdyǵyna – 42,2%, otandyq qurastyrma jańa jeńil avtomobilderge – 28,2%, zergerlik buiymdar jáne saǵattarǵa – 22,2%, kiim jáne aiaq kiimge – 10,5%, farmatsevtikalyq ónimderge, jihaz jáne úige qajetti zattarǵa – 10,2%-dan, jeke qoldanylatyn taýarlarǵa – 6,9%, qurylys materialdaryna 5,3% ósti. Aǵash – 15,6%, suiytylǵan gaz ballondaǵy – 10,1%, tas kómir 8,6% qymbattady. Baǵanyń arzandaýy usaq elektr-turmystyq kerek-jaraqtarǵa – 20,1%, ydysqa 10,3% tirkeldi.
Baǵanyń ósýi temeki ónimderine – 15,9%, mineraldy jáne aýyz sýǵa – 15,3%, konditerlik ónimderge – 12,8%, jańa jinalǵan kókónisterge – 12,4%, salqyndatylǵan sýsyndarǵa – 11,7%, qaita óńdelgen jáne konservilengen balyqqa – 10,7%, balmuzdaqqa – 10,6%, jemis jáne kókónis shyryndarǵa 10,5% belgilendi. Baǵanyń tómendeýi qaraqumyq jarmasyna – 21,4%, sábizge 8,7% baiqaldy.
Óńirler bólinisinde 2024 jylda infliatsiia ortasha respýblikalyq deńgeiden asatyn on óńirde qalyptasty, olardyń ishinen eń joǵary – Astana qalasynda (10,7%) jáne Qaraǵandy oblysynda (9,6%).
