Almaty ákimdigi turǵyndardy azyq-túlik ónimderin jappai satyp almaýǵa jáne daýryqpaýǵa shaqyrdy, dep habarlaidy "Ult aqparat".
«Keshe gipermarketterde, iri saýda núktelerinde adamdar azyq-túlikti jappai satyp alyp jatty. Olai jasaýdyń qajeti joq. Turǵyndar osyndai áreketterimen baǵanyń ósýine ózderi jol beredi. Bul naryqtaǵy qalypty jaǵdai. Suranystyń óskenin baiqaǵan jetkizýshiler osy sátti paidalanyp qosymsha aqsha tabýǵa tyrysady. Árine, biz óz tarapymyzdan aldyn alý sharalaryn qoldandyq, barlyǵymen sóilestik. Biz bul protsesti barynsha saqtaimyz, biraq naryqtyń aty naryq. Mysaly, qanttyń baǵasy aitarlyqtai ósti», – deidi Almaty qalalyq kásipkerlik jáne investitsiialar basqarma basshysy Erkebulan Orazalin.
Sondai-aq, ol taýarlardyń basym bóligi otandyq ónim ekenin atap ótti.
«Dúken sórelerindegi azyq-túlik azaimaidy. Biz barlyǵymen únemi bailanysta bolamyz. Saýda oryndarynyń qoimalarynda taýar jetkilikti. Sondyqtan bir jylǵa tamaq alýdyń qajeti joq»,- dedi ol.
Spikerdiń aitýynsha, eger qalada karantin jariialansa, álemdik tájirtbegee súienedi. Iaǵni virýsqa qaramastan azyq-túlik dúkenderi jabylmaidy. Olar qalypty rejimde jumys isteitin bolady. Halyq osyny túsinýi kerek.
« Azyq-túlik baǵasyna kúndelikti monitoring júrgizilip otyrady. Basqa elden keletin taýarlar temirjol arqyly jetkiziledi. Jalpy, qaladaǵy áleýmettik mańyzy bar azyq-túlik ónimderiniń jyldyq tutynýy 860 myń tonnany quraidy»,- dep qortyndylady Erkebulan Orazalin.
