Jumyspen qamtýdyń jol kartasy aiasynda bólingen 22,5 mlrd teńgeniń mikrokrediti et, sút jáne basqa da azyq-túlik ónimderin shǵarýǵa jumsalady, dep habarlaidy QazAqparat.
Eńbek jáne halyqtyń áleýmettik qorǵaý ministri Serik Shápkenov Úkimet otyrysynda aitqan málimeti boiynsha, atalmysh qarajat aldyn ala tizimi bekitilgen 5400 jobaǵa bólinýi tiis.
«Jalpy somasy 22,5 mlrd. teńgeni quraityn 5,4 myń jobanyń aldyn ala tizimi ázirlendi. Tizimge et, sút, azyq-túlik ónerkásibi ónimderin óndirý jáne óńdeý, qyzmet kórsetý jáne taǵy basqa salalardaǵy biznes jobalar endi», - dedi ministr.
Serik Shápkenov mikrokredit berýdiń tiimdiligin arttyrý úshin «Atameken» ulttyq kásipkerler palatasy men jergilikti ákimdikter 15 mikroqarjy uiymyn qurǵanyn atap ótti.
«Mikrokredit alýshylar 10,6 myń qosymsha jumys oryndaryn qurady. Agroónerkásip keshenin damytý baǵyty boiynsha Aýyl sharýashylyǵy ministrligimen jáne «Báiterek» Holdingimen birlesip jalpy quny 100 mlrd. teńgeni quraityn 42 investitsiialyq joba iske asyrylady. Sońǵy qaryz alýshy úshin syiaqy mólsherlemesi sýbsidiialaý arqyly 6 paiyzdan aspaityn bolady.2,2 myń ýaqytsha jáne 3,8 myń turaqty jumys oryndary qurylady», - dedi vodemstvo basshysy.
