Aýyl sharýashylyǵy ministri Saparhan Omarov azyq-túlik baǵasynyń negiz ósken jaǵdaida qazaqstandyqtardy osy fakti jaiynda habarlaýǵa shaqyrdy, dep habarlaidy "Ult aqparat".
«Bizde tiisti tetikter eskerilgen. Osy arqyly Saýda ministrligi men Aýyl sharýashylyǵy ministrligi taýar baǵasyna baqylaý júrgize alady. Bul turǵyda azyq-túlik baǵasynyń kúrt kóterilýine jol bermeý eskeriledi», - dedi ministr Parlament Májilisinde tilshiler saýalyna jaýap bere otyryp.
Onyń atap ótýinshe, búginde elimiz dúkenderi qajetti taýarlarmen qamtamasyz etilgen.
«Dúkenderdegi sóreler bos turǵan joq. Bizde koll ortalyq bar ekenin habarlaǵan bolatynbyz. Árbir qazaqstandyq atalǵan koll ortalyqqa habarlasyp, sebepsiz joǵarylaǵan ónim baǵasy týraly aita alady. Óz kezegimizde osy faktini birden tekseremiz», - dedi S. Omarov.
Budan buryn habarlanǵandai, Aýyl sharýashylyǵy ministri negizgi azyq-túlik taýarlarynyń 29 túri boiynsha turaqty túrde monitoring júrgizilip jatqanyn aitty.
Sonymen qatar Saparhan Omarov qoimalardaǵy azyq-túlik qory qai kólemde ekenin málim etti.
