اۋىل شارۋاشىلىعى مينيسترٸ ساپارحان وماروۆ ازىق-تٷلٸك باعاسىنىڭ نەگٸز ٶسكەن جاعدايدا قازاقستاندىقتاردى وسى فاكتٸ جايىندا حابارلاۋعا شاقىردى, دەپ حابارلايدى "ۇلت اقپارات".
«بٸزدە تيٸستٸ تەتٸكتەر ەسكەرٸلگەن. وسى ارقىلى ساۋدا مينيسترلٸگٸ مەن اۋىل شارۋاشىلىعى مينيسترلٸگٸ تاۋار باعاسىنا باقىلاۋ جٷرگٸزە الادى. بۇل تۇرعىدا ازىق-تٷلٸك باعاسىنىڭ كٷرت كٶتەرٸلۋٸنە جول بەرمەۋ ەسكەرٸلەدٸ», - دەدٸ مينيستر پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
ونىڭ اتاپ ٶتۋٸنشە, بٷگٸندە ەلٸمٸز دٷكەندەرٸ قاجەتتٸ تاۋارلارمەن قامتاماسىز ەتٸلگەن.
«دٷكەندەردەگٸ سٶرەلەر بوس تۇرعان جوق. بٸزدە كولل ورتالىق بار ەكەنٸن حابارلاعان بولاتىنبىز. ەربٸر قازاقستاندىق اتالعان كولل ورتالىققا حابارلاسىپ, سەبەپسٸز جوعارىلاعان ٶنٸم باعاسى تۋرالى ايتا الادى. ٶز كەزەگٸمٸزدە وسى فاكتٸنٸ بٸردەن تەكسەرەمٸز», - دەدٸ س. وماروۆ.
بۇدان بۇرىن حابارلانعانداي, اۋىل شارۋاشىلىعى مينيسترٸ نەگٸزگٸ ازىق-تٷلٸك تاۋارلارىنىڭ 29 تٷرٸ بويىنشا تۇراقتى تٷردە مونيتورينگ جٷرگٸزٸلٸپ جاتقانىن ايتتى.
سونىمەن قاتار ساپارحان وماروۆ قويمالارداعى ازىق-تٷلٸك قورى قاي كٶلەمدە ەكەنٸن مەلٸم ەتتٸ.
