Baǵanyń sharyqtaýy mezgilge orai birqatar azyq-túlik taýarlary qorynyń azaiýyna qatysty, dep habarlaidy Astana qalasy ákimdiginiń media ortalyǵy qalalyq aýyl sharýashylyǵy basqarmasyna silteme jasap.
Basqarma mamandarynyń kún saiyn azyq-túliktiń negizgi túrlerine monitoring júrgizýi barysynda mamyrda sarymsaq baǵasy (41,9%) qymbattaǵanyn, al qyryqqabat (19,8%), sábiz baǵasy (18,2%) óskeni baiqalǵan.
Kóterme ónim usynýshylardyń málimetinshe, mezgilge bailanysty bul taýarlar qorynyń azaiýymen bailanysty bolyp otyr.
Jetispeýshiliktiń saldarynan Aqmola oblysynan ákelinetin kartoptyń satý quny 92%-ǵa ósken, piiaz (OQO) 80%, sábiz (Pavlodar, Qyrǵyzstan) 57%, qyryqqabat (Aqmola oblysy) 69% kóterilgen.
Qalalyq aýyl sharýashylyǵy basqarmasy azyq-túlik baǵasynyń negizsiz ósýin boldyrmaý baǵytynda is-sharalar júrgizýde.
-Eger baǵa óskeni týraly aqparat bolsa, birden Astana qalasy boiynsha tabiǵi monopoliialardy retteý jáne básekelestikti qorǵaý departamentine jiberiledi. Jyl basynan beri 5 málimet jiberilgen. 19 naýryzdan apta saiyn 20 jármeńke uiymdastyryldy. Onda 31 tonna ónim saýdalandy. 6 ret aimaqtyq jármeńke ótkizildi (Jambyl, OQO, BQO, Atyraý), sharada 754 tonna ónim satyldy, - dep habarlaidy Astana qalasynyń aýyl sharýashylyq basqarmasy.
Budan bólek, Astanada saýda taýarlarynyń turaqtandyrý qoryn qurý boiynsha sharalar júrgizilýde. Oǵan baǵasy qymbattaý qaýpi bar taýarlar satyp alynady. Másele únemi qatań baqylaýda.
