Saýda jáne integratsiialar ministri Baqyt Sultanov «Azyq-túlik baǵasyn turaqtandyrý úshin qandai jumys atqarylyp jatyr?» degen suraqqa jaýap berdi, dep habarlaidy QazAqparat.
«Biz baǵany rettemeimiz jáne ustap turmaimyz. Mundaǵy másele azyq-túlik jáne taǵamdyq qaýipsizdiktiń birneshe kórsetkishterin ýaqytyly qamtamasyz etý bolyp otyr. Árine, eń aldymen, bul taýar bolýy kerek. Sosyn obektivti baǵa men tiisti sapa bolýy kerek. Barlyq osy parametrler boiynsha jumys isteimiz. Árine, bizdiń óndirýshilerdiń ónimdi ýaqytynda alýyna, belgili bir ónimdi jasaý múmkindigine bailanysty fýnktsional bar. Ótken jyly bizdiń óndirýshilerde qyryqqabatpen, biyl piiazben problema boldy. Bul jerdegi másele – memlekettik organdar tarapynan durys aqparattandyrý bolmaǵan», - dedi Saýda ministri Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, forvardtyq kelisimsharttar men ainalym shemasy máselelerin ýaqytyly arttyrý úshin jergilikti atqarýshy organdarmen jumys júrip jatyr.
Bul saýda jelileri men kásipkerlerge kúzde jetkizilim kólemin jáne baǵa boiynsha mindettemelerdi qamtamasyz etý úshin aldyn ala qarajat alýǵa múmkindik beredi.
«Eksportqa tyiym salý quraldary da qoldanylýy múmkin. Bul máselelerdi qajetti baǵyttar boiynsha vedomstvoaralyq komissiia qaraidy. Ónimdi el ishinde ýaqytynda bólip, ótkizýdi qamtamasyz etý úshin jergilikti atqarýshy organdarmen jumys júrýde. Turaqtandyrý qory boiynsha naqty kólemder bar. Olardyń da árdaiym jetkilikti bomlaityny túsinikti, turaqtandyrý qorlarynyń jalpy kólemin aitsaq, olar naryqtyń 2-3%-yn ǵana jabady jáne únemi tiimdi áser ete almaidy», - deidi Baqyt Sultanov.
