ساۋدا جەنە ينتەگراتسييالار مينيسترٸ باقىت سۇلتانوۆ «ازىق-تٷلٸك باعاسىن تۇراقتاندىرۋ ٷشٸن قانداي جۇمىس اتقارىلىپ جاتىر?» دەگەن سۇراققا جاۋاپ بەردٸ, دەپ حابارلايدى قازاقپارات.
«بٸز باعانى رەتتەمەيمٸز جەنە ۇستاپ تۇرمايمىز. مۇنداعى مەسەلە ازىق-تٷلٸك جەنە تاعامدىق قاۋٸپسٸزدٸكتٸڭ بٸرنەشە كٶرسەتكٸشتەرٸن ۋاقىتىلى قامتاماسىز ەتۋ بولىپ وتىر. ەرينە, ەڭ الدىمەن, بۇل تاۋار بولۋى كەرەك. سوسىن وبەكتيۆتٸ باعا مەن تيٸستٸ ساپا بولۋى كەرەك. بارلىق وسى پارامەترلەر بويىنشا جۇمىس ٸستەيمٸز. ەرينە, بٸزدٸڭ ٶندٸرۋشٸلەردٸڭ ٶنٸمدٸ ۋاقىتىندا الۋىنا, بەلگٸلٸ بٸر ٶنٸمدٸ جاساۋ مٷمكٸندٸگٸنە بايلانىستى فۋنكتسيونال بار. ٶتكەن جىلى بٸزدٸڭ ٶندٸرۋشٸلەردە قىرىققاباتپەن, بيىل پييازبەن پروبلەما بولدى. بۇل جەردەگٸ مەسەلە – مەملەكەتتٸك ورگاندار تاراپىنان دۇرىس اقپاراتتاندىرۋ بولماعان», - دەدٸ ساۋدا مينيسترٸ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, فورۆاردتىق كەلٸسٸمشارتتار مەن اينالىم سحەماسى مەسەلەلەرٸن ۋاقىتىلى ارتتىرۋ ٷشٸن جەرگٸلٸكتٸ اتقارۋشى ورگاندارمەن جۇمىس جٷرٸپ جاتىر.
بۇل ساۋدا جەلٸلەرٸ مەن كەسٸپكەرلەرگە كٷزدە جەتكٸزٸلٸم كٶلەمٸن جەنە باعا بويىنشا مٸندەتتەمەلەردٸ قامتاماسىز ەتۋ ٷشٸن الدىن الا قاراجات الۋعا مٷمكٸندٸك بەرەدٸ.
«ەكسپورتقا تىيىم سالۋ قۇرالدارى دا قولدانىلۋى مٷمكٸن. بۇل مەسەلەلەردٸ قاجەتتٸ باعىتتار بويىنشا ۆەدومستۆوارالىق كوميسسييا قارايدى. ٶنٸمدٸ ەل ٸشٸندە ۋاقىتىندا بٶلٸپ, ٶتكٸزۋدٸ قامتاماسىز ەتۋ ٷشٸن جەرگٸلٸكتٸ اتقارۋشى ورگاندارمەن جۇمىس جٷرۋدە. تۇراقتاندىرۋ قورى بويىنشا ناقتى كٶلەمدەر بار. ولاردىڭ دا ەردايىم جەتكٸلٸكتٸ بوملايتىنى تٷسٸنٸكتٸ, تۇراقتاندىرۋ قورلارىنىڭ جالپى كٶلەمٸن ايتساق, ولار نارىقتىڭ 2-3%-ىن عانا جابادى جەنە ٷنەمٸ تيٸمدٸ ەسەر ەتە المايدى», - دەيدٸ باقىت سۇلتانوۆ.
