6 mamyrda Resei áskeri qorshaýynda qalǵan Mariýpol qalasyndaǵy "Azovstal" zaýytynan taǵy 50 beibit turǵyn evakýatsiialandy. Bul jóninde Resei qorǵanys ministrligi jáne Ýkraina vitse-premeri Irina Vereshýk habarlady, dep jazady Azattyq.
Resei qorǵanys ministrliginiń aitýynsha, beibit turǵyndar BUU jáne halyqaralyq Qyzyl krest uiymynyń ókilderine tapsyrylǵan. Olar turǵyndardy "arnaiy tańdalǵan ýaqytsha orynǵa jetkizedi".
Al Irina Vereshýk Resei áskerin atysty toqtatý rejimin buzdy dep aiyptady, sonyń saldarynan evakýatsiia baiaý júrgen. Gýmanitarlyq kolonna "Port-siti" saýda ortalyǵynda kútken Mariýpoldiń ózge turǵyndaryn alyp úlgermegen.
Taraptar "Azovstalda" gýmanitarlyq operatsiia senbi kúni jalǵasatynyn aitty.
- "Azovstal" – ýkrain kúshteriniń baqylaýynda qalǵan Mariýpoldegi jalǵyz oryn. Resei biligi zaýytqa shoǵyrlanǵan ýkrain áskerin berilýge shaqyrǵan, alaida olar bas tartqan.
- 6 mamyrda tańerteń Resei áskeriniń "Azovstal" zaýytyna basyp kirýge taǵy talpynys jasaǵany belgili boldy. Ýkraina qarýly kúshteri bas shtabynyń málimetinshe, Resei kúshteri artilleriia, aviatsiia jáne tehnikany paidalanyp, kombinat aýmaǵyna kire bastaǵan. Osyǵan deiin Resei taraby zaýytqa shabýyl jasamaitynyn, tek jolyn bitep tastaitynyn ǵana aitqan edi.
