Foto: Týrizm jáne sport ministrligi
Qazaqstandyq karateshi Nurqanat Ájiqanov Qytaidyń Hanjchoý qalasynda ótip jatqan Aziia oiyndarynyń chempiony atandy, dep habarlaidy "Ult aqparat".
75 keli salmaq dárejesinde baq synaǵan 22 jastaǵy otandasymyz finaldyq beldesýde iordaniialyq sportshy Hasan Masarvehten 8:0 esebimen basym tústi.
Bul - Qazaqstan quramasynyń Aziia oiyndaryndaǵy segizinshi altyn medali.
Al áielder arasynda 68 kelide saiysqa túsken Laýra Áliqul finalda qytai Li Tsiaotsiaodan jeńilip, kúmis medaldi qanaǵat tutty.
Qazir Qazaqstan 8 altyn, 13 kúmis, 37 qolamen 11-orynnan 10-orynǵa kóterildi.
Búgin, 5 qazanda el sportshylary úsh altyn ielendi. Buǵan deiin velosporttan Evgenii Fedorov, djiý-djitsýdan Nurjan Batyrbekov Aziia oiyndarynyń chempiony atanǵan.
Jalpy esepte Qytai (175 altyn, 96 kúmis, 53 qola) birinshi, Japoniia (39-51-59) ekinshi, Ońtústik Koreia (33-46-73) úshinshi orynda keledi. Ózbekstan (16-16-22) besinshi, Qyrǵyzstan (3-0-4) 18-orynda, Tájikstan (2-1-4) 23-orynda tur. Túrkimenstan bir kúmis, tórt qolamen 29-orynda.
Aziia oiyndary 8 qazanda aiaqtalady. Jarystyń aiaqtalýyna úsh kún qalsa da, Qazaqstannyń altyn sany onǵa jetpedi. Buǵan deiingi Aziia oiyndarynda Qazaqstan kemi 15 altyn medal alatyn. Biylǵy Aziadada Qazaqstan 1994 jyldan beri alǵash ret jeńil atletikadan altynsyz qaldy. Sondai-aq 2018 jylǵy Aziia oiyndarynda altyn alǵan dziýdoshylar men semserlesýshiler Qytaidaǵy jarysta altyn ala almady.
Aita keteiik, Nurqanat Ájiqanov - Tokio Olimpiadasynyń qatysýshysy, álem chempionatynynyń 2 márte qola júldegeri. Sondai-aq onyń enshisinde Aziia chempionatynyń úsh altyny bar.
