فوتو: تۋريزم جەنە سپورت مينيسترلٸگٸ
قازاقستاندىق كاراتەشٸ نۇرقانات ەجٸقانوۆ قىتايدىڭ حانجچوۋ قالاسىندا ٶتٸپ جاتقان ازييا ويىندارىنىڭ چەمپيونى اتاندى, دەپ حابارلايدى "ۇلت اقپارات".
75 كەلٸ سالماق دەرەجەسٸندە باق سىناعان 22 جاستاعى وتانداسىمىز فينالدىق بەلدەسۋدە يوردانييالىق سپورتشى حاسان ماسارۆەحتەن 8:0 ەسەبٸمەن باسىم تٷستٸ.
بۇل - قازاقستان قۇراماسىنىڭ ازييا ويىندارىنداعى سەگٸزٸنشٸ التىن مەدالٸ.
ال ەيەلدەر اراسىندا 68 كەلٸدە سايىسقا تٷسكەن لاۋرا ەليقۇل فينالدا قىتاي لي تسياوتسياودان جەڭٸلٸپ, كٷمٸس مەدالدٸ قاناعات تۇتتى.
قازٸر قازاقستان 8 التىن, 13 كٷمٸس, 37 قولامەن 11-ورىننان 10-ورىنعا كٶتەرٸلدٸ.
بٷگٸن, 5 قازاندا ەل سپورتشىلارى ٷش التىن يەلەندٸ. بۇعان دەيٸن ۆەلوسپورتتان ەۆگەنيي فەدوروۆ, دجيۋ-دجيتسۋدان نۇرجان باتىربەكوۆ ازييا ويىندارىنىڭ چەمپيونى اتانعان.
جالپى ەسەپتە قىتاي (175 التىن, 96 كٷمٸس, 53 قولا) بٸرٸنشٸ, جاپونييا (39-51-59) ەكٸنشٸ, وڭتٷستٸك كورەيا (33-46-73) ٷشٸنشٸ ورىندا كەلەدٸ. ٶزبەكستان (16-16-22) بەسٸنشٸ, قىرعىزستان (3-0-4) 18-ورىندا, تەجٸكستان (2-1-4) 23-ورىندا تۇر. تٷركٸمەنستان بٸر كٷمٸس, تٶرت قولامەن 29-ورىندا.
ازييا ويىندارى 8 قازاندا اياقتالادى. جارىستىڭ اياقتالۋىنا ٷش كٷن قالسا دا, قازاقستاننىڭ التىن سانى ونعا جەتپەدٸ. بۇعان دەيٸنگٸ ازييا ويىندارىندا قازاقستان كەمٸ 15 التىن مەدال الاتىن. بيىلعى ازيادادا قازاقستان 1994 جىلدان بەرٸ العاش رەت جەڭٸل اتلەتيكادان التىنسىز قالدى. سونداي-اق 2018 جىلعى ازييا ويىندارىندا التىن العان دزيۋدوشىلار مەن سەمسەرلەسۋشٸلەر قىتايداعى جارىستا التىن الا المادى.
ايتا كەتەيٸك, نۇرقانات ەجٸقانوۆ - توكيو وليمپياداسىنىڭ قاتىسۋشىسى, ەلەم چەمپيوناتىنىنىڭ 2 مەرتە قولا جٷلدەگەرٸ. سونداي-اق ونىڭ ەنشٸسٸندە ازييا چەمپيوناتىنىڭ ٷش التىنى بار.
