© AP Photo / Christophe Ena
Qazaqstandyq veloshabandoz Aleksei Lýtsenko Hanchjoýda ótken Aziia oiyndarynyń altyn medalin jeńip aldy, dep habarlaidy "Ult aqparat".
Tas joldaǵy velojarysta synǵa túsken otandasymyz 39,7 shaqyrymǵa sozylǵan jekelei esep saiysynda úzdik nátije kórsetip, Aziia oiyndarynyń úsh dúrkin chempiony atandy.
Aleksei bul qashyqtyqty 48:05.75 ýaqyt kórsetkishimen júrip ótti. Al kúmisti oljalaǵan Qytai sportshysy eki minýt artta qaldy (50:05.83). Qola medaldy gonkongtyq veloshabandoz Vinsent Van Laý ielendi (50:17.76).
Bul - Hanchjoýdaǵy Aziia oiyndarynda Qazaqstan qorjynyna túsken besinshi altyn medal.
Aita keteiik, Osyǵan deiin, Aleksei 2014 jyly Inchhonda jáne 2018 jyly Djakartada jeńimpaz atanǵan edi.
«Alekseidi jeńisimen quttyqtaimyn! Ol óziniń sheberligin ǵana emes, qaisarlyǵyn da kórsetti. Búkil el ony qoldady jáne qazir barlyq qazaqstandyq ony maqtan tutady», - dedi QR Týrizm jáne sport ministri Ermek Marjyqpaev.
