Qazaqstan Jazýshylar odaǵy QR Prezidenti Ákimshiliginiń jáne QR Mádeniet jáne sport ministrliginiń qoldaýymen 2019 jyldyń 4-6 qyrkúiek kúnderi Nur-Sultan qalasynda «Aziia elderi qalamgerleriniń I forýmyn» ótkizedi.
Tuńǵysh ret uiymdastyrylǵan bul forým Aziia kontinentinde ornalasqan elder arasyndaǵy ádebi-mádeni bailanystardy nyǵaitý, odan ári damytý hám egemendi elimizdiń búgingi keskin-kelbetin, Qazaqstannyń ádebietin, rýhani qundylyqtaryn pash etý, ádebi úderistiń damýyna qatysty Aziia elderimen tájiribe almasý syndy birqatar maqsat-mindetterdi kózdeidi.
Aziia elderi qalamgerleriniń I forýmynda atalmysh qurlyqty meken etken 44 memleketten Nobel syilyǵynyń nominanttary, Býker jáne ASEAN ádebi júldesiniń jeńimpazdary, ulttyq, memlekettik syilyqtardyń iegerleri hám Jazýshylar odaǵy men assotsiatsiialarynyń Tóraǵalary syndy 90-ǵa jýyq aqyn-jazýshylar men elimizdiń túkpir-túkpirinen shaqyrylǵan qalamgerler bas qosady.
Ádebi forýmnyń BAQ qyzmetkerlerine arnalǵan baspasóz konferentsiiasy 3 qyrkúiek kúni saǵ.15.00 de Qazaqstan Respýblikasy Prezidenti janyndaǵy Ortalyq Kommýnikatsiialar qyzmeti alańynda ótedi.
Baspasóz konferentsiiasyna:
Qazaqstan Jazýshylar odaǵy basqarmasynyń Tóraǵasy – Ulyqbek Esdáýlet;
Qazaqstan Jazýshylar odaǵy basqarma Tóraǵasynyń Birinshi orynbasary – Aqberen Elgezek;
QR Mádeniet jáne sport ministri – Aqtoty Raiymqulova;
Álemdik ádebiette esimderi qalyptasqan qalamgerler – forým delegattary qatysady.
