"Aziia daýysy" mýzykalyq baiqaýynyń rejisseri Aleksandr Ponomarev 69 jasynda koronavirýstan qaitys boldy. Qaraly habar týraly rejisserdiń áriptesteri men dostary áleýmettik jelide jazdy, dep habarlaidy Sputnik Qazaqstan.
"Ol – ańyz adam edi. "Aziia daýysy" halyqaralyq festivaliniń talantty rejisseri (1990-2005). Búgin ol aramyzdan ketti... Aleksandr Ponomarev máńgi este qalady. Sasha, talantyń úshin, sheberlik sabaqtaryń úshin jáne "Aziia daýysy" festivaliniń uly tarihy úshin rahmet. Qosh bolyńyz, Aleksandr Sergeevich", – dep jazdy áriptesi Leka Saveleva.
Marqumnyń basqa da áriptesteri qaiǵyǵa ortaqtasyp, kóńil aitty.
"Bul sumdyq jaǵdai... Aleksandr Sergeevich Ponomarev. "Aziia daýysy" jetimsirep qaldy", – dedi prodiýser jáne mýzykant Oljas Baiqanov.
Aita keteiik, "Aziia daýysy" – 1990-2005 jyldary Almatyda jyl saiyn ótkizilgen halyqaralyq mýzykalyq baiqaý. Festival Medeýdiń ashyq alańynda ótti. Uiymdastyrýshylardyń shaqyrýy boiynsha konkýrsqa ataqty sheteldik ánshiler Patrisiia Kaas, Pýpo, Toto Kýtýno, Djimmi Sammervil, Mithýn Chakraborti, Soner Aridja, Alla Pýgacheva, Filipp Kirkorov, Valerii Leontev, "Boni M", "Haddýei" syndy ónerpazdar ár jyldary qonaq boldy.
2020 jyldyń jazynda "Aziia daýysy" mýzykalyq baiqaýynyń negizin qalaýshylardyń biri Murat Erǵaliev 63 jasynda koronavirýstan qaitys boldy.
