Bokstan Qazaqstan quramasynyń bas bapkeri Ǵalymbek Kenjebaev Ekaterinbýrgtegi álem chempionatyna qatysatyn sportshylar tizimin jariialady, dep habarlady Olympic.kz.
Olardyń qatarynda 81 kelidegi Aziia chempiony Bek Nurmaǵambet pen 75 kelidegi álem chempionatynyń júldegeri Ábilhan Amanqul joq. Bas bapker atalǵan boksshylardyń jaraqatynan tolyq aiyqpaǵanyn málimdedi.
«81 kelidegi Bek Nurmaǵanbet Aziia chempionatyna jaraqatymen qatysqan bolatyn. Qurlyq birinshiliginen soń onyń aiaǵyna ota jasaldy. Sol sebepti, Bek áli tolyǵymen qalpyna kelgen joq. 75 kelidegi Ábilhan Amanqul Prezident kýbogyqarsańynda jaraqat aldy. Eki boksshy da quramanyń jattyǵý jiynyna qatysty. Biraq jaraqatyn asqyndyryp almaý úshin olarǵa kóp salmaq túsirmedik. Ekeýiniń qatarǵa qosylýyna áli biraz ýaqyt kerek. Al 81 kelide Qazaqstan atynan Bekzat Nurdáýletov baq synaidy. Ol buryn 91 kelide judyryqtasqan jigit. Biylǵy Prezident kýbogynyń finalyna deiin jetti. 75 kelide Aziia chempiony Tursynbai Qulahmetke úmit artamyz», - deidi Ǵalymbek Kenjebaev.
