بوكستان قازاقستان قۇراماسىنىڭ باس باپكەرٸ عالىمبەك كەنجەباەۆ ەكاتەرينبۋرگتەگٸ ەلەم چەمپيوناتىنا قاتىساتىن سپورتشىلار تٸزٸمٸن جارييالادى, دەپ حابارلادى Olympic.kz.
ولاردىڭ قاتارىندا 81 كەلٸدەگٸ ازييا چەمپيونى بەك نۇرماعامبەت پەن 75 كەلٸدەگٸ ەلەم چەمپيوناتىنىڭ جٷلدەگەرٸ ەبٸلحان امانقۇل جوق. باس باپكەر اتالعان بوكسشىلاردىڭ جاراقاتىنان تولىق ايىقپاعانىن مەلٸمدەدٸ.
«81 كەلٸدەگٸ بەك نۇرماعانبەت ازييا چەمپيوناتىنا جاراقاتىمەن قاتىسقان بولاتىن. قۇرلىق بٸرٸنشٸلٸگٸنەن سوڭ ونىڭ اياعىنا وتا جاسالدى. سول سەبەپتٸ, بەك ەلٸ تولىعىمەن قالپىنا كەلگەن جوق. 75 كەلٸدەگٸ ەبٸلحان امانقۇل پرەزيدەنت كۋبوگىقارساڭىندا جاراقات الدى. ەكٸ بوكسشى دا قۇرامانىڭ جاتتىعۋ جيىنىنا قاتىستى. بٸراق جاراقاتىن اسقىندىرىپ الماۋ ٷشٸن ولارعا كٶپ سالماق تٷسٸرمەدٸك. ەكەۋٸنٸڭ قاتارعا قوسىلۋىنا ەلٸ بٸراز ۋاقىت كەرەك. ال 81 كەلٸدە قازاقستان اتىنان بەكزات نۇردەۋلەتوۆ باق سىنايدى. ول بۇرىن 91 كەلٸدە جۇدىرىقتاسقان جٸگٸت. بيىلعى پرەزيدەنت كۋبوگىنىڭ فينالىنا دەيٸن جەتتٸ. 75 كەلٸدە ازييا چەمپيونى تۇرسىنباي قۇلاحمەتكە ٷمٸت ارتامىز», - دەيدٸ عالىمبەك كەنجەباەۆ.
