Belgili atlet, túrli ekstrimaldy jattyǵýlar boiynsha álem rekordyn jańartqan qazaq balýany Temir Sypataev Qajymuqannyń 150 jyldyq mereitoiyna arnap taǵy bir rekord jasady, dep habarlaidy "Ult aqparat".
«Qazaqtyń dańqty palýany, kúsh atasy – Qajymuqan atamyzdyń 150 jyldyǵyna osy rekordymdy arnaimyn, Alla razy bolsyn barshalaryńyzǵa», - dep jazdy balýan Instagram-daǵy paraqshasynda.
Usynylǵan videodan balýannyń túieni kótergen boiy 30 qadamdai júrip ótkenin kórýge bolady.
Aita keteiik, Temir Sypataev - qol kúresinen halyqaralyq dárejedegi sport sheberi, Aziia chempiony, sondai-aq Qazaqstannyń 5 dúrkin chempiony. Odan bólek birneshe dúrkin rekord iesi. Ol Frantsiiada, Germaniiada, Ózbekstanda jáne Reseide óner kórsetip júr.
Temir Sypataev osyǵan deiin K-700, KamAZ, poiyz siiaqty aýyr tehnikalardy súirep, ógiz kóterip jurtty tańǵaldyrǵan bolatyn.
Resmi qujattarǵa súiensek, 7 sáýir kúni qazaqtyń áigili balýany Qajymuqan Muńaitpasulynyń týǵanyna 150 jyl toldy.
