Almatydaǵy zańsyz oiyn biznesin uiymdastyrdy degen kúdikke ilingen shetel azamaty Vetnamnan Qazaqstanǵa ekstraditsiialandy. Bul týraly Bas prokýratýranyń baspasóz qyzmeti habarlady, dep habarlaidy ult.kz.
Qazaqstan Respýblikasy Bas prokýratýrasy, Ishki ister ministrliginiń Interpol Ulttyq ortalyq biýrosy jáne Qazaqstannyń Vetnamdaǵy elshiliginiń birlesken jumysynyń nátijesinde halyqaralyq izdeýde júrgen kúdikti elge jetkizildi.
Bas prokýratýranyń resmi ókili Erlan Janpeisovtiń aitýynsha, kúdikti 2022–2023 jyldary sybailasymen birge Almaty qalasynda zańsyz oiyn biznesin uiymdastyryp, osy áreketten 12 million teńgeden astam qylmystyq tabys tapqan.
– Qylmys jasalǵannan keiin sybailastardyń biri qylmystyq jaýapkershilikke tartyldy. Al ekinshisi quqyq qorǵaý organdarynan boi tasalap, halyqaralyq izdeýge jariialanǵan bolatyn. Biyl aqpan aiynda ol Vetnam aýmaǵynda ustalyp, Bas prokýratýranyń suraýy boiynsha Qazaqstanǵa ekstraditsiialandy. Qazir kúdikti tergeý izoliatoryna qamaldy, – dedi Erlan Janpeisov.
Vedomstvonyń málimetinshe, atalǵan qylmys boiynsha kúdikti kináli dep tanylsa, onyń múlki tárkilenip, 5 jylǵa deiin bas bostandyǵynan aiyrylýy múmkin.
Eske salaiyq, buǵan deiin Qazaqstanǵa World Business Consulting qarjy piramidasy isi boiynsha kúdikti de ekstraditsiialanǵan bolatyn.
