Foto: QR Týrizm jáne sport ministrliginiń baspasóz qyzmeti
Qazaqstandyq veloshabandozdar Hanchjoýdaǵy Aziia oiyndarynda el qorjynyna birden eki medal saldy, - dep habarlaidy "Ult aqparat".
Tas joldaǵy velojarystyń 210 shaqyrymǵa sozylǵan toptyq saiysynda ulttyq qurama sportshylary Evgenii Fedorov - altyn, Aleksei Lýtsenko kúmis medal jeńip aldy.
Ekeýi márege birge kelip, 31 jastaǵy Lýtsenko 23 jastaǵy Fedorovtyń máreni birinshi bolyp kesýine múmkindik berdi.
Olardan bólek el quramasy sapynda Dmitrii Grýzdev jáne Gleb Brýsenskii synǵa tústi.
Aita keteiik, Aleksei Lýtsenko eki kún buryn shossedegi velojarysta úzdik shyqqan edi. Sondai-aq ol 2014 jylǵy Aziia oiyndarynda bir, 2018 jylǵy Aziia oiyndarynda eki altyn ielengen.
Qazir Qazaqstan 6 altyn, 12 kúmis, 35 qola medalmen 12-orynda tur. Hýanjoýda ótip jatqan Aziadada Qazaqstan stend atýdan eki, velosporttan eki, nysana kózdeýden bir, kanoe jáne baidarka esýden bir altyn medal aldy.
Aziia oiyndary 8 qazanda aiaqtalady.
