Qazaqstan komandasy Hanchjoýda ótken XIX Aziia oiyndarynda alǵashqy altyn medaldi jeńip aldy. Stend atýdan skit baǵdarlamasy boiynsha synǵa túsken áielder quramasy - Ásem Orynbai, Zoia Kravchenko, Olga Panarina chempion atandy.
Aita keteiik, mergenderderimiz birinshi orynǵa ie bolyp qana qoimai, jalpy 350 ball jinap, Aziada rekordyn ornatty. Olar Qytai (348 upai) jáne Tailand (342 upai) komandalarynan ozyp ketti.
"Qyzdardy osy tarihi jeńispen quttyqtaimyn! Altyn medaldan basqa, bizdiń sportshylar da jańadan jarys rekordyn ornatty, bul jeńisti odan da áserli etedi. Esterińizge sala keteiin, Almaty oblysynda stend atýdan Álem Kýbogynda bizdiń qurama birinshi jalpy komandalyq orynǵa ie bolǵan. Búgin búkil Aziia bul tabystyń kezdeisoq emes ekenin túsindi", - dedi Týrizm jáne sport ministri Ermek Marjyqpaev.
