Foto: Olympic.kz
Ádilbek Mýsin XIX Aziia oiyndarynyń eki dúrkin qola júldegeri atandy, dep habarlaidy "Ult aqparat".
Otandasymyz 50 metrge butterfly ádisimen júzý jarysynda qola medaldi mise tutty.
Ádilbek bul qashyqtyqty 23.44 sekýndta júzip ótti.
Aita keteiik, birinshi oryndy Ońtústik Koreiadan kelgen Inchýl Bek (23.29), ekinshi oryndy Singapýrdan kelgen Tszen Vei Teong (23.34) ielendi.
Bul - Ádilbektiń Aziadadaǵy ekinshi "qolasy". Keshe ol 100 metrge butterfly ádisimen júzýde 51.98 ýaqyt kórsetkishimen úshinshi keldi.
Ádilbek Mýsin – 1999 jyly Astana qalasynda týǵan. Erkin jáne butterfly ádisterimen júzedi. Qazaqstan Respýblikasynyń rekordsmeni. V Islam oiyndarynyń chempiony, 2018 jylǵy Aziia oiyndarynyń qola júldegeri.
Jattyqtyrýshysy – Stanislav Osinskii. Ol – Qazaqstan Respýblikasynyń halyqaralyq dárejedegi sport sheberi.
