QR Densaýlyq saqtaý ministri Ajar Ǵiniiat 2020 jyly qurylǵan Mindetti áleýmettik meditsinalyq saqtandyrý qoryn ministrlik quramynan shyǵaryp, bólek uiym retinde qyzmet etýine qatysty túsinik berdi, dep habarlaidy QazAqparat.
«Búginde 3 mln adam MÁMS (mindetti áleýmettik meditsinalyq saqtandyrý) júiesinde tirkelmegen, iaǵni saqtandyrylmaǵan. Biraq bul ol adamdar meditsinalyq kómeksiz qalady degen sóz emes. Ol adamdardyń turaqty jumysy joq nemese áleýmettik turǵydan qorǵaýdaǵy adamdar. Sondyqtan olar júiede tirkelmegen», - dedi Ajar Ǵiniiat tilshilerdiń suraǵyna jaýap bere turyp.
Odan bólek, ministr MÁMS qoryn densaýlyq saqtaý ministrliginen shyǵaryp, bólek uiym retinde qurýǵa qatysty oiyn ortaǵa saldy.
«Qor onsyz da bólek uiym retinde jumys istep jatyr. Qazir qor qalyptasý ústinde. Sońǵy ýaqytta MÁMS júiesi aiasynda kórsetiletin meditsinalyq kómekterge qatysty suraqtar kóp. Osyǵan orai búgin jinaqtalǵan máselelerdi qaraý úshin bas qosyp otyrmyz. Sondyqtan MÁMS qoryn ministrlikten bólek uiym retinde qurýdyń qajettiligi joq dep oilaimyn», - deidi ol.
Búgin elordada mindetti áleýmettik meditsinalyq saqtandyrý júiesi qyzmetine arnalǵan dóńgelek ústel ótti.
