قر دەنساۋلىق ساقتاۋ مينيسترٸ اجار عينييات 2020 جىلى قۇرىلعان مٸندەتتٸ ەلەۋمەتتٸك مەديتسينالىق ساقتاندىرۋ قورىن مينيسترلٸك قۇرامىنان شىعارىپ, بٶلەك ۇيىم رەتٸندە قىزمەت ەتۋٸنە قاتىستى تٷسٸنٸك بەردٸ, دەپ حابارلايدى قازاقپارات.
«بٷگٸندە 3 ملن ادام مەمس (مٸندەتتٸ ەلەۋمەتتٸك مەديتسينالىق ساقتاندىرۋ) جٷيەسٸندە تٸركەلمەگەن, ياعني ساقتاندىرىلماعان. بٸراق بۇل ول ادامدار مەديتسينالىق كٶمەكسٸز قالادى دەگەن سٶز ەمەس. ول ادامداردىڭ تۇراقتى جۇمىسى جوق نەمەسە ەلەۋمەتتٸك تۇرعىدان قورعاۋداعى ادامدار. سوندىقتان ولار جٷيەدە تٸركەلمەگەن», - دەدٸ اجار عينييات تٸلشٸلەردٸڭ سۇراعىنا جاۋاپ بەرە تۇرىپ.
ودان بٶلەك, مينيستر مەمس قورىن دەنساۋلىق ساقتاۋ مينيسترلٸگٸنەن شىعارىپ, بٶلەك ۇيىم رەتٸندە قۇرۋعا قاتىستى ويىن ورتاعا سالدى.
«قور ونسىز دا بٶلەك ۇيىم رەتٸندە جۇمىس ٸستەپ جاتىر. قازٸر قور قالىپتاسۋ ٷستٸندە. سوڭعى ۋاقىتتا مەمس جٷيەسٸ اياسىندا كٶرسەتٸلەتٸن مەديتسينالىق كٶمەكتەرگە قاتىستى سۇراقتار كٶپ. وسىعان وراي بٷگٸن جيناقتالعان مەسەلەلەردٸ قاراۋ ٷشٸن باس قوسىپ وتىرمىز. سوندىقتان مەمس قورىن مينيسترلٸكتەن بٶلەك ۇيىم رەتٸندە قۇرۋدىڭ قاجەتتٸلٸگٸ جوق دەپ ويلايمىن», - دەيدٸ ول.
بٷگٸن ەلوردادا مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ قىزمەتٸنە ارنالعان دٶڭگەلەك ٷستەل ٶتتٸ.
