Elimizdiń 9 óńirinde koronavirýspen syrqattanýshylyqtyń aitarlyqtai ósimi baiqalady. Bul týraly búgin QR Densaýlyq saqtaý vitse-ministri Ajar Ǵiniiat aitty, dep habarlaidy QazAqparat.
«COVID-19 koronavirýs infektsiiasymen dúnie júzinde jaǵdai kúrdeli. Jalpy respýblika boiynshada ótken jyldyń qarasha aiynan bastap KVI syrqattanýshylyqtyń ósýi jeltoqsanda qarashamen salystyrǵanda 1,2 artýy baiqalady. Ortasha ósý úrdisi qańtarda da saqtaldy. Jeltoqsanmen salystyrǵanda aýrý 1,4 ese ósti. Syrqattanýshylyqtyń aitarlyqtai ósýi Aqmola, Almaty, Qaraǵandy, Qyzylorda, Pavlodar, Túrkistan oblystarynda, Almaty, Nur-Sultan jáne Shymkent qalalarynda baiqalady», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Vitse-ministrdiń dereginshe, 3 aqpandaǵy jaǵdai boiynsha respýblika boiynsha KVI oń nátijesimen 190 359 naýqas jáne KVI teris 48 005 jaǵdai, onyń ishinde 10 840 bala oń nátijemen tirkeldi. Onyń ishinde sońǵy táýlikte KVI (+) 1228 jaǵdaiy jáne KVI (-) 107 jaǵdaiy, onyń ishinde 154 KVI (+), 10 KVI (-) bala tirkelip otyr.
«27 900 patsient emdeýdi jalǵastyrýda, onyń ishinde ambýlatoriialyq emdeýde – 22 112, statsionarlyq emdeýde 5 788 naýqas bar. Koronavirýs infektsiiasyn emdeý úshin statsionarlarda 20 990 tósek-oryn ázirlengen. Respýblika boiynsha infektsiialyq tósek-orynnyń qamtylý kórsetkishi 28 paiyzdy quraidy. Infektsiialyq statsionarlarda reanimatsiialyq kómek kórsetý úshin 1 884 tósek oryn daiyn, tolýy – 20 paiyz. Reanimatsiialyq tósekterdiń eń kóp jumyspen qamtylýy Almaty qalasynda baiqalady – 48 paiyz», - dedi ol.
Ajar Ǵiniiat qajet bolǵan jaǵdaida qosymsha 31 myńǵa jýyq tósek ornyn ashýǵa múmkindik bar ekendigin aitady.
«Birinshi kezekte halyqqa josparly kómek kórsetýdi shektemeý úshin mamandandyrylǵan kómek kórsetpeitin meditsinalyq uiymdar iske qosylady jáne ondai rezervte 5 myńdai tósek-oryn ázirlengen. Ótken jyly salynǵan 16 modýldik infektsiialyq aýrýlar aýrýhanasynyń jalpy sany 3 000 tósekten turatyn 15 nysany jumys isteidi. Qalǵan 200 tósekke arnalǵan bir statsionardy aǵymdaǵy jyldyń aqpan aiynyń sońyna deiin ashý josparlanýda. Ol Atyraý oblysynda», - dedi vitse-ministr.
