ەلٸمٸزدٸڭ 9 ٶڭٸرٸندە كوروناۆيرۋسپەن سىرقاتتانۋشىلىقتىڭ ايتارلىقتاي ٶسٸمٸ بايقالادى. بۇل تۋرالى بٷگٸن قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى قازاقپارات.
«COVID-19 كوروناۆيرۋس ينفەكتسيياسىمەن دٷنيە جٷزٸندە جاعداي كٷردەلٸ. جالپى رەسپۋبليكا بويىنشادا ٶتكەن جىلدىڭ قاراشا ايىنان باستاپ كۆي سىرقاتتانۋشىلىقتىڭ ٶسۋٸ جەلتوقساندا قاراشامەن سالىستىرعاندا 1,2 ارتۋى بايقالادى. ورتاشا ٶسۋ ٷردٸسٸ قاڭتاردا دا ساقتالدى. جەلتوقسانمەن سالىستىرعاندا اۋرۋ 1,4 ەسە ٶستٸ. سىرقاتتانۋشىلىقتىڭ ايتارلىقتاي ٶسۋٸ اقمولا, الماتى, قاراعاندى, قىزىلوردا, پاۆلودار, تٷركٸستان وبلىستارىندا, الماتى, نۇر-سۇلتان جەنە شىمكەنت قالالارىندا بايقالادى», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ۆيتسە-مينيستردٸڭ دەرەگٸنشە, 3 اقپانداعى جاعداي بويىنشا رەسپۋبليكا بويىنشا كۆي وڭ نەتيجەسٸمەن 190 359 ناۋقاس جەنە كۆي تەرٸس 48 005 جاعداي, ونىڭ ٸشٸندە 10 840 بالا وڭ نەتيجەمەن تٸركەلدٸ. ونىڭ ٸشٸندە سوڭعى تەۋلٸكتە كۆي (+) 1228 جاعدايى جەنە كۆي (-) 107 جاعدايى, ونىڭ ٸشٸندە 154 كۆي (+), 10 كۆي (-) بالا تٸركەلٸپ وتىر.
«27 900 پاتسيەنت ەمدەۋدٸ جالعاستىرۋدا, ونىڭ ٸشٸندە امبۋلاتورييالىق ەمدەۋدە – 22 112, ستاتسيونارلىق ەمدەۋدە 5 788 ناۋقاس بار. كوروناۆيرۋس ينفەكتسيياسىن ەمدەۋ ٷشٸن ستاتسيونارلاردا 20 990 تٶسەك-ورىن ەزٸرلەنگەن. رەسپۋبليكا بويىنشا ينفەكتسييالىق تٶسەك-ورىننىڭ قامتىلۋ كٶرسەتكٸشٸ 28 پايىزدى قۇرايدى. ينفەكتسييالىق ستاتسيونارلاردا رەانيماتسييالىق كٶمەك كٶرسەتۋ ٷشٸن 1 884 تٶسەك ورىن دايىن, تولۋى – 20 پايىز. رەانيماتسييالىق تٶسەكتەردٸڭ ەڭ كٶپ جۇمىسپەن قامتىلۋى الماتى قالاسىندا بايقالادى – 48 پايىز», - دەدٸ ول.
اجار عينييات قاجەت بولعان جاعدايدا قوسىمشا 31 مىڭعا جۋىق تٶسەك ورنىن اشۋعا مٷمكٸندٸك بار ەكەندٸگٸن ايتادى.
«بٸرٸنشٸ كەزەكتە حالىققا جوسپارلى كٶمەك كٶرسەتۋدٸ شەكتەمەۋ ٷشٸن مامانداندىرىلعان كٶمەك كٶرسەتپەيتٸن مەديتسينالىق ۇيىمدار ٸسكە قوسىلادى جەنە ونداي رەزەرۆتە 5 مىڭداي تٶسەك-ورىن ەزٸرلەنگەن. ٶتكەن جىلى سالىنعان 16 مودۋلدٸك ينفەكتسييالىق اۋرۋلار اۋرۋحاناسىنىڭ جالپى سانى 3 000 تٶسەكتەن تۇراتىن 15 نىسانى جۇمىس ٸستەيدٸ. قالعان 200 تٶسەككە ارنالعان بٸر ستاتسيوناردى اعىمداعى جىلدىڭ اقپان ايىنىڭ سوڭىنا دەيٸن اشۋ جوسپارلانۋدا. ول اتىراۋ وبلىسىندا», - دەدٸ ۆيتسە-مينيستر.
