Búgin QR Densaýlyq saqtaý ministri Ajar Ǵiniiat Nur-Sultan qalasyndaǵy Ulttyq ǵylymi onkologiialyq ortalyq ǵimaratynyń ekinshi korpýsynyń qurylys barysymen tanysty, dep habarlaidy "Ult aqparat" vedomstvonyń baspasóz qyzmetine silteme jasap.
Densaýlyq saqtaý ministrliginiń basshysyna jelilik údetkishi bar proton ortalyǵy kórsetildi, onyń janynda meditsinalyq palatalary bar iadrolyq meditsina bólimshesi uiymdastyrylady.
Budan ári vedomstvo basshysy 10 operatsiialyq blok, reanimatsiialyq, klinikalyq-diagnostikalyq jáne onkogematologiialyq bólimshe ornalasqan úi-jailardy qarap shyqty.
Sáýlelik terapiia bólimshesinde qurylys jumystary aiaqtalǵan soń jáne meditsinalyq jabdyqtarmen jabdyqtalǵannan keiin olardyń jai-kúiiniń dinamikasyn únemi qadaǵalap otyratyn patsientterge sáýlelik terapiianyń barlyq túrleri júrgiziletin bolady. Bul algoritmdi ýaqtyly túzetýge jáne emdeýdiń tiimdiligin arttyrýǵa múmkindik beredi.
QR DSM basshysyna jańa korpýstyń qurylysy boiynsha Jol kartasyn iske asyrý barysy týraly baiandaldy, atap aitqanda, QR Densaýlyq saqtaý vitse-ministri Jandos Búrkitbaev jobany iske asyrýdyń aiaqtalý jáne ony jabdyqtarmen qamtamasyz etý merzimderi týraly habarlady.
Qurylys ornyndaǵy keńes barysynda A.Ǵiniiat "ortalyqty ustaý", onyń ishinde aýrýhanany kadrlarmen qamtamasyz etý, ásirese iadrolyq fizika, iadrolyq qaýipsizdik siiaqty tapshy baǵyttar boiynsha máselelerdi sheshýge kirisýdi, olardy jedel túrde daiyndaýdy tapsyrdy.
"Bul nysandy bizdiń elimizdiń halqy kútýde, bul mańyzdy áleýmettik nysan. Qazaqstanda jyl saiyn onkologiialyq aýrýlardyń 35 000-nan astam jańa jaǵdaiy anyqtalady, olardyń bir bóligine kesh satyda diagnostika jasalynady. Jańa onkologiialyq ortalyqty salý – strategiialyq mańyzdy. Qazaqstandyq patsientter ózderiniń jaqyndarynyń janynda úzdik halyqaralyq praktikaǵa sáikes mamandandyrylǵan em ala alady", - dep atap ótti ministr.
Ǵylymi onkologiialyq ortalyqtyń korpýsy 6 qabattan, sonyń ishinde jertóleden turady. Ol emdeý-diagnostikalyq ortalyǵy men protondy terapiia ortalyǵynan turady. Korpýs 210 jáne 150 tósektik táýliktik jáne kúndizgi statsionardan turady. Shamamen ol bir aýysymda 500-ge deiin ambýlatoriialyq qabyldaýdy qabyldaýǵa jáne jylyna 6000-ǵa deiin aýrýhanaǵa jatqyzýǵa qabiletti bolady.
Jańa ortalyqta onkologiialyq aýrýlardy diagnostikalaý men emdeýdiń ozyq tehnologiialary, onyń ishinde jasalǵan kardiologiialyq jáne neirohirýrgiialyq klasterlerdiń tájiribesin paidalana otyryp, lazerlik, sáýlelik jáne jasýshalyq-immýndyq terapiia paidalanylatyn bolady.
Barlyq is - sharalar aiaqtalǵannan keiin UǴOO onkopatologiiany diagnostikalaý men emdeýdegi eń ozyq tehnologiialar: sáýlelendirýge arnalǵan robottandyrylǵan júieleri bar radiologiialyq bólimshe, zamanaýi joǵary jáne tómen energetikalyq jelilik údetkishter, lazerlik, radionýklidtik terapiia bólimsheleri, meditsinadaǵy derbestendirilgen tásilge negizdelgen jasýshalyq-immýndyq terapiia bólimsheleri, sondai-aq Qazaqstanda alǵash ret usynylatyn protondyq jáne iadrolyq meditsina ortalyqtary shoǵyrlandyrylatyn eldiń onkologiialyq qyzmetiniń damýyn úilestirý jáne baqylaý ortalyǵy bolady.
Budan basqa, UǴOO úlgili infraqurylymy jáne ǵylymi, klinikalyq, bilim berý praktikasynyń integratsiiasy bar Ortalyq Aziia óńiri elderinde onkologiiany emdeý jáne diagnostikalaý salasyndaǵy jetekshi mekeme bolýy tiis.
