Densaýlyq saqtaý júiesi úshin ártúrli mamandyqtaǵy 20 myńnan astam dáriger, 4,5 myńnan astam bakalavr, magistrant, doktorant daiarlanǵan. Bul jaiynda Esep komitetiniń densaýlyq saqtaý salasyndaǵy aýditorlyq tekserisine arnalǵan jiynda Densaýlyq saqtaý ministri Ajar Ǵiniiat málim etti, dep habarlaidy QazAqparat.
Densaýlyq saqtaý ministrligi basshysynyń aitýynsha, sońǵy kezeńde 29 myńnan astam dáriger men meiirbike biliktiligin arttyrdy.
Budan basqa, 2019-2021 jyldar kezeńinde ministrliktiń sheshimi boiynsha meditsinalyq joǵary oqý oryndary stýdentteriniń stipendiiasy ulǵaityldy.
10 jyl ishinde alǵash ret memlekettik grantty ulǵaitý qaita qaraldy.
A.Ǵiniiat bul sharalar elimizde meditsinalyq bilim berýdi damytýǵa yqpal etkenin atap ótti.
Vedomstvonyń málimetinshe, meditsinalyq ǵylym salasynda úsh jyl ishinde osy biýdjettik baǵdarlamalardy iske asyrý sheńberinde meditsinalyq ǵylym uiymdary men meditsinalyq joǵary oqý oryndarynyń patenttik belsendiliginiń 15% ósýi baiqalady.
Sońǵy úsh jylda diagnostika, emdeý jáne meditsinalyq ońaltýdyń 63 innovatsiialyq tehnologiiasyn qoldaný maquldandy.
Jyl saiyn indeksteletin sheteldik basylymdarda jariialanatyn maqalalar sanynyń 46% - ǵa óskeni baiqalady.
Bul rette joǵary reitingti jýrnaldardaǵy jariialanym úlesi 25-ten 50% deiin ósti.
Ministr qazaqstandyq meditsinalyq joǵary oqý oryndarynyń ýniversitetterdiń bedeldi jahandyq reitingine enýin qamtamasyz etýge múmkindik bergen ǵylymi jáne innovatsiialyq qyzmettiń básekege qabiletiniń búkil negizgi kórsetkishteriniń ósýin atap ótti.
Mysaly, S. Asfendiiarov atyndaǵy Qazaq ulttyq meditsina ýniversiteti Eýropa men Ortalyq Aziianyń damýshy elderiniń QS reitinginiń TOP-200 qataryna kirip, 146-shy oryndy ielendi.
Aita keter jait, koronavirýstyq infektsiia pandemiiasymen kúrestiń qiyn kúnderinde bizdiń joǵary oqý oryndarymyzdyń oqytýshylar quramy, internder, rezidentter praktikalyq densaýlyq saqtaý dárigerlerimen iyq tiresip, adam ómirin saqtap qalýǵa úles qosty, sondai-aq sol kezeńde osy baǵdarlamalardy iske asyrý jalǵasyn tapty.
«Bul rette aýditorlyq esepte belgilengen eskertýlerdiń bir bóligi aýditorlardyń jumysy kezeńinde joiyldy. Sonymen qatar, ministrlik jumysqa qabyldaǵan belgili bir eskertýler men kemshilikter bar. Biz osy salanyń jumysyn odan ári damytý úshin densaýlyq saqtaý júiesine sapaly taldaý júrgizýge árqashan daiynbyz», - dep qorytyndylady vedomstvo basshysy.
