Densaýlyq saqtaý ministri Ajar Ǵiniiat Ashyq ázirleýshileriniń ústinen ne úshin sotqa aryz túskenin aitty, - dep habarlaidy Tengrinews.kz.
"Ashyq-qa qatysty, esterińizde bolsa, keibir ǵimarattarda statýsy qyzyl jáne sary adamdar qoǵamdyq oryndarǵa, jalpy kez kelgen ǵimaratqa kirmeitin. Sebebi ol adamdar ainalasyndaǵylarǵa qaýipti edi. Iaǵni olar naýqas adamdar, infektsiia taratýshylar jáne infektsiia damyp ketýi múmkin adamdar edi. Olar ózgege juqtyrý múmkin bolǵandyqtan olarǵa qoǵamdyq oryndarda júrýge ruqsat bolmady. Bul sheshim sotta daý týdyrdy. Qazir memlekettik sanitarlyq dárigerdiń barlyq talaptary boiynsha qabyldanǵan sheshimder onyń paidasyna qabyldandy. Ashyq boiynsha birde-bir talap joq", - dedi ministr Senat otyrysynda.
Eske salaiyq, 18 sáýirde Ashyq ázirleýshileriniń ústinen sotqa aryz túskeni habarlanǵan bolatyn. Bul týraly baǵdarlamanyń ázirleýshisi Vitalii Pýstovoitenko Facebook-paraqshasynda málimdedi.
