Eldegi koronavirýs infektsiiasyna qatysty epidemiologiialyq jaǵdaidy jáne sońǵy kúnderi indet juqtyrǵandar sanynyń kúrt óskenin eskere kele Ázerbaijanda karantin rejimi 1 shildege deiin sozyldy, dep habarlaidy ÁZERTADJ agenttigi.
Ministrler kabineti janyndaǵy shuǵyl shtabtyń málimetinshe, Ázerbaijanda 8191 adam koronavirýs infektsiiasyn juqtyrǵan. Qazirgi tańda 3487 naýqas aýrýhanada em alyp jatyr.
Sońǵy ýaqytta Evlah, Ismail, Kiýrdamir jáne Salian aýdandarynda aýrý juqtyrý faktileri jiilep ketti. Indettiń taralý qarqynyn tómendetip, onyń saldaryn barynsha azaitý úshin Baký, Giandja, Liankiaran, Sumǵaiyt qalalarynda, sondai-aq Absheron, Evlah, Ismail, Kiýrdamir jáne Salian aýdandarynda 14 maýsym saǵat 00.00 bastap 1 16 maýsym tańǵy 06:00 deiin qatańdatylǵan karantin rejimi engiziledi.
Osy ýaqyt aralyǵynda atalǵan aimaqtarda túrli salalardyń jáne qoǵamdyq kóliktiń jumysy toqtaidy. Óńir turǵyndary basyna qaýip tónbese nemese jedel meditsinalyq kómek kerek bolmasa, úiinen shyqpaýy tiis.
Bul aimaqtarda tek Ministrler kabineti belgilegen memlekettik organdar, áskeri jáne quqyq qorǵaý organdary, aýrýhanalar, áleýmettik qyzmet kórsetetin mekemeler, kommýnaldyq qyzmetter, bailanys, sý, teleradiotaratý, temir jolda, teńizde jáne áýede júk tasymaldaý, nan pisirý jáne shtab bekitken basqa da uiymdar ǵana jumys isteidi.
