Ázerbaijanda Ministrler kabineti janyndaǵy jedel shtab jańa qaýlyny qabyldap, keibir shekteýlerdi 2021 jyldyń 31 qańtaryna deiin uzartty. Qaýlyny qabyldaýǵa sońǵy ailarda elde koronavirýs infektsiiasyn juqtyrǵandar sanynyń artýy sebep boldy, dep habarlaidy Ázertadj agenttigi.
Qaýlyǵa sáikes, eldegi erekshe karantin tártibiniń merzimi 2021 jyldyń 31 qańtary, saǵat 06.00-ge deiin uzartyldy. 14 jeltoqsan men keler jyldyń 18 qańtary aralyǵynda búkil el aýmaǵyna qatań karantin engiziledi.
Osy aralyqta eldiń Ministrler kabinetiniń sheshiminde kórsetilgen mekemelerden basqa qyzmet kórsetý salasynyń jumysy toqtatylady.
Barlyq saýda uiymdary men qoǵamdyq tamaqtaný oryndaryna klientterge jetkizý qyzmetin nemese onlain rejimde qyzmet kórsetýge ruqsat etilgen.
Sondai-aq Baký, Sýmgaiyt, Giandja, Mingiachevir jáne Shirvan qalalary, Apsheronskii aýdany, sonymen qatar Lenkoran, Masally, Djalilabad, Sheki, Zagatala, Gýba, Hachmaz, Evlah, Barda, Biliasývar jáne Ismaillinsk aýdan ortalyqtaryndaǵy qozǵalys shekteledi.
Osy aimaqtarda jumys isteitin adamdar qyzmettik karta arqyly nemese iiicaze.e-gov.az veb-saityna jumys berýshi aqparat engizse ǵana júrip-tura alady.
Ministrler kabineti janyndaǵy Jedel shtabtyń 9 jeltoqsandaǵy málimeti boiynsha Ázerbaijanda bir táýlikte 4403 infektsiia juqtyrý oqiǵasy tirkelip, qaitys bolǵandar sany 42 bolǵan.
