Ázerbaijan úkimeti búgin Jedel shtabtyń brifingi barysynda respýblika aimaǵynda erekshe karantin rejimin jazǵa deiin sozý týraly qaýly qabyldanǵanyn málim etti, dep habarlaidy "Ult aqparat".
Brifing barysynda málim bolǵanyndai, elde COVID-19 koronavirýs infektsiiasynyń taraýynyń aldyn alý úshin Ázerbaijan aýmaǵynda erekshe karantin rejimi 2021 jyldyń 1 maýsymy, saǵat 1-ge deiin jalǵasady.
Úkimettiń bul sheshimi birinshi kezekte qoǵamdyq kólikke qatysy bolyp otyr. Onyń jumysy el aýmaǵynda Naýryz merekesine, naqtyraq aitqanda 20-29 naýryz aralyǵynda jáne maýsym aiynyń 1-ne deiin jeksenbi kúnderi toqtatylady.
Atalǵandarmen qosa toilar men týǵan kúnder siiaqty buqaralyq jiyndardy ókizýge tyiym salynady. Baký metropoliteniniń jumysy da toqtap turady.
Brifing barysynda metro qyzmetiniń jandanýy karantin rejimi kezekti ret jeńildetilgennen keiin kún tártibine qoiylatyny aityldy.
Aita keteiik, sońǵy kúnderi Ázerbaijanda koronavirýs juqtyrý jaǵdailary kóbeiip otyr. Virýs juqtyrǵan naýqastar sany ásirese Bakýde kóp. Bul qalada barlyq naýqastardyń 52,9% júr. Budan ári infektsiia juqtyrǵandar sany jaǵynan Absheron aýdany men Sýmgaiyt qalasy jáne Giandja-Gazah óńiri tur.
Osyǵan deiin Ázerbaijanda koronavirýstyń britandyq shtamy tabylǵan bolatyn.
Bilik ókilderiniń málim etýinshe, atalǵan shtamnyń juqtyrǵysh qasieti zor bolǵanymen Ázerbaijanda qoldanylyp jatqan vaktsina koronavirýstyń barlyq shtamdaryna birdei tiimdi.
