Ázerbaijan Qorǵanys ministrligi halyqaralyq áskeri yntymaqtastyq departamenti bastyǵy, general-maior Gýsein Mahmýdov Bakýde akkredittelgen sheteldik áskeri attashelerge brifing ótkizdi, - dep habarlaidy Tengrinews.kz agenttigi Ázerbaijan áskeri vedomstvosy saityna silteme jasap.
Shet memleketterdiń ókilderine memlekettik shekaranyń Dashkesan, Kelbadjar jáne Lachin baǵyttaryndaǵy Armeniia Qarýly Kúshteriniń aýqymdy arandatýlary týraly tolyq aqparat berilgeni aityldy.
"Keiingi jyldary armian tarapynyń osy baǵyttardaǵy pozitsiialarymyzdy júieli túrde atqylaýynyń basty maqsaty – beibit kelisimge qol qoiýdy jáne azat etilgen aýmaqtarda júrgizilip jatqan aýqymdy qurylys-qalpyna keltirý jumystaryn keiinge qaldyrý", - delingen habarlamada.
Sondai-aq, ministrlik Armeniianyń áskeri arandatýy halyqaralyq quqyqtyń negizgi normalary men qaǵidattaryn, sondai-aq 2020 jylǵy 10 qarashadaǵy úshjaqty málimdemeler erejelerin óreskel buzý sanalatyny aityldy.
"Armian tarapynyń Ázerbaijanǵa qarsy kezekti agressiiasy halyqaralyq quqyqtyń irgeli normalary men qaǵidattaryn, sondai-aq Ázerbaijan, Armeniia jáne Resei Federatsiiasynyń basshylary qol qoiǵan úshjaqty málimdemelerdiń erejelerin óreskel buzý bolyp sanalady (2020 jylǵy 10 qarasha). Armeniianyń bul qadamdary qarym-qatynastar men beibitshilikti qalypqa keltirý úderisine tolyǵymen qaishy keledi", - delingen habarlamada.
Eske salaiyq, buǵan deiin Armeniia premer-ministri Nikol Pashinian Ázirbaijan qarýly kúshterimen túngi qaqtyǵysta 49 armian sarbazy qaza tapqanyn aitqan bolatyn.
