Ázerbaijan bas prokýratýrasy men eldiń ishki ister ministrligi birlesken málimdeme jasady. Olar Taýly Qarabaq aimaǵy jarylǵysh zattan tolyq tazartylyp, ruqsat berilgenge deiin ol jaqqa barýǵa bolmaitynyn eskertedi, dep habarlaidy ÁZERTADJ aqparat agenttigi.
Birlesken málimdemede aitylǵandai, uzaq jyldardan beri atamekenin kórmegen ázerbaijandyqtardyń sezimin túsinýge bolady. Alaida kei azamattar jasalǵan eskertýge qaramastan jaýdan bosatylǵan jerge óz betinshe baryp jatyr.
28 qarashada 4 azamat Fizýli aýdanyna qarasty Gorgan jáne Ashaǵy aýyldarynyń arasynda minalanǵan jer bar degen eskertýge qulaq aspai, 90-BL-558 nómirli Toyota Land Cruizer kóligimen saparyn ári qarai jalǵastyra bergen.
Saldarynan tankke qarsy qoiylǵan mina jarylyp, tórteýi de qaza tapty.
Osyǵan bailanysty eldiń ishki ister ministrligi men bas prokýratýra halyqqa taǵy da eskertý jasady. Jaýdan bosatylǵan aýmaqqa arnaiy ruqsatsyz barýǵa bolmaidy.
Ol aimaqtar mina jáne basqa da jarylǵysh zattan tolyq tazartylǵan kezde ǵana ruqsat beriledi.
