Ulystyń uly kúni áz-Naýryz meiramy qarsańynda «Ult» aqparattyq portaly túrli ult etnostary ókilderin áńgimege tartyp, tarih pen bolashaq týraly syrlasyp kórdi.
Osy oraida, ázerbaijandardyń etnomádeni birlestikteriniń qyzmetin Qazaqstan Ázerbaijandarynyń «Veten» kongresi qadaǵalaityny belgili. Bul halyq Otanymyz bireý, ol – táýelsiz Qazaqstan dep biledi. Bul sózimizdi ázerbaijan diasporasynyń ókili Elmar Mamediarov qoldaidy.
«Bárimiz bir shańyraq astynda tatý-tátti ómir súrip jatqan qazaqstandyqtar retinde túrli ulttyq meiramdarda da bir úidiń balasyndai birlesip kontserttik baǵdarlama uiymdastyramyz. Mysaly, Naýryz tek túrki tildes halyqtardyń merekesi degenimizben, assambleiadaǵy ózge etnomádeni birlestikter de qalmai qatysyp, barlyq is-sharaǵa óz úlesin qosýdy ádetke ainaldyrǵan. Sondai-aq QHA janyndaǵy qai etnomádeni birlestik bolsa da, qazaq mádenieti men salt-dástúri ortalyǵymen tyǵyz bailanysta jumys istep keledi. Munyń ózi bizdiń birtutastyǵymyzdyń kórinisi dep bilemin. Qazaq dalasynda ómir súrip jatqan árbir etnos ókili qazaq tilin bilip qana qoimai ol tilde jaqsy sóileýge mindetti. Sebebi, bárimizdiń Otanymyz bireý. Ol – Táýelsiz Qazaqstan», - dedi ol.
Elmar Mamediarovtyń aitýynsha, árbir etnos ókili qazaq halqynyń jasaǵan jaqsylyǵyn eshqashan umytpaidy. Sol úshin qazaqtyń tilin, salt-dástúrin, ádet-ǵurpyn syilai, qurmettei otyryp tatýlyq týyn únemi biikte jelbiretý azamattyq boryshymyshz dep biledi.
«Al tatýlyq, birlik, yntymaq – bizdiń eń basty bailyǵymyz ekenin umytpaiyq», - deidi Elmar.
Diaspora ókiliniń aitýynsha, ázerbaijan etnosynyń toptasyp turatyn jeri jetisýń topyraǵyndaǵy Kóksý aýdany. Osydan 20 jyl buryn atalǵan aýdanda ázerbaijan «Nahichivan» ortalyǵy oblystyń mádeni jáne qoǵamdyq uiymy qurylǵan. Atalǵan ortalyq ártúrli formattaǵy sharalardy uiymdastyryp, jyl saiyn ótkiziletin ázerbaijan mádenieti festivaline, saiasi qýǵyn-súrgin qurbandaryn eske alýǵa arnalǵan «Ómir úshin kúreskenderge taǵzym» respýblikalyq aktsiiasyna erekshe atsalysady. Sonymen birge «Naýryz Bairam», Qurban ait jáne Halyqaralyq balalardy qorǵaý kúnine arnalǵan qaiyrymdylyq sharasyn atap aitýǵa bolady.
Óz qltynyń ereksheligi men qazaq halymen uqsastyqtary haqynda Elmar Mamediarov biraz syr shertti. Onyń aitýynsha, ázerbaijandardyń ulttyq kiimderi halyqtyń tarihymen, rýhani jáne materialdyq mádenietimen tyǵyz bailanysty.
«Bizde er adamdardyń kiimderi: ýst keineii (jeide), gaba jáne chýha (ekeýi de iyqqa jabylady), kiýrk (qoi terisinen jasalǵan ton). Papah, iaǵni, bas kiim árbir er azamattyń abyroiy sanalady, ony joǵaltyp alý namystan jurdai bolýmen para-par. Djorab atalatyn shulyq ta kez kelgen aiaq kiimniń ishinen kiiledi.Áielderdiń ústińgi kiimi chadrý, betti jabatyny rýbend dep atalady. Bastaryna barqyttan tigilgen ártúrli pishindegi taqiialardy kiip, astyna oramal taǵady. Keibir kiimderde chýtgý degen shash salatyn jasyryn qaltalary bolady. Qazaqtyń qasietti jerin meken etken árbir etnos ókili qazaqtyń baýyry. Bul – tatýlyq pen yntymaqtastyqtyń aiqyn kórinisi», - deidi ázerbaijan azamat.
Aita keteiik, alǵashqy ázerbaijan etnosynyń ókilderi Qazaqstanǵa HH ǵasyrdyń 20-40 jyldarynda stalindik repressiianyń nátijesinde, sondai-aq tyń jáne tyńaiǵan jerlerdi igerý jyldarynda keldi. Ázerbaijan etnosy ókilderiniń sany 130 myńǵa jýyq adamdy quraidy. Ázerbaijan etnosy ókilderiniń kópshiligi qazaq tilin jaqsy meńgergen. Olar bul kúnderi Almaty, Jambyl, Qyzylorda, Ońtústik Qazaqstan oblystarynda jinaqy ornalasqan.
