Elorda ákimi Altai Kólginov «Azbýka jilia» kompaniiasy úleskerleriniń máselesi jóninde pikir bildirdi, dep habarlaidy QazAqparat.
«Azbýka jilia» boiynsha úi salýshy qashyp júr (...) «Shyǵys», «Jaǵalaý» TK syndy negizgi nysandardyń árbirimen jeke jumys istep jatyrmyz. «Azbýka jilia» nysandarynda túitkildi másele kóp. Birinshiden – jobalyq-smetalyq qujattama, ekinshiden – qarjylyq úlgisi joq. Úshinshiden – bank tarapynan jaýapkershilik pen qoldaý kerek. Barlyq máseleler boiynsha jumys istep jatyrmyz. Barlyǵy bir kúnde sheshilip ketpeidi. Úleskerlermen de kezdesemiz. Jalpy alǵanda, aldymyzda úlestik qurylys máselelerin sheshý mindeti tur. Ol úshin kerekti qarajat bólindi», - dedi ákim «Nur Otan» partiiasynyń astanalyq filialynda ótken jinalysta.
Buǵan deiin halyqaralyq izdeýde júrgen «Azbýka jilia» kompaniialar tobynyń iesi Erqanat Taijanovtyń múlki tárkilengen bolatyn.
