ەلوردا ەكٸمٸ التاي كٶلگٸنوۆ «ازبۋكا جيليا» كومپانيياسى ٷلەسكەرلەرٸنٸڭ مەسەلەسٸ جٶنٸندە پٸكٸر بٸلدٸردٸ, دەپ حابارلايدى قازاقپارات.
«ازبۋكا جيليا» بويىنشا ٷي سالۋشى قاشىپ جٷر (...) «شىعىس», «جاعالاۋ» تك سىندى نەگٸزگٸ نىسانداردىڭ ەربٸرٸمەن جەكە جۇمىس ٸستەپ جاتىرمىز. «ازبۋكا جيليا» نىساندارىندا تٷيتكٸلدٸ مەسەلە كٶپ. بٸرٸنشٸدەن – جوبالىق-سمەتالىق قۇجاتتاما, ەكٸنشٸدەن – قارجىلىق ٷلگٸسٸ جوق. ٷشٸنشٸدەن – بانك تاراپىنان جاۋاپكەرشٸلٸك پەن قولداۋ كەرەك. بارلىق مەسەلەلەر بويىنشا جۇمىس ٸستەپ جاتىرمىز. بارلىعى بٸر كٷندە شەشٸلٸپ كەتپەيدٸ. ٷلەسكەرلەرمەن دە كەزدەسەمٸز. جالپى العاندا, الدىمىزدا ٷلەستٸك قۇرىلىس مەسەلەلەرٸن شەشۋ مٸندەتٸ تۇر. ول ٷشٸن كەرەكتٸ قاراجات بٶلٸندٸ», - دەدٸ ەكٸم «Nur Otan» پارتيياسىنىڭ استانالىق فيليالىندا ٶتكەن جينالىستا.
بۇعان دەيٸن حالىقارالىق ٸزدەۋدە جٷرگەن «ازبۋكا جيليا» كومپانييالار توبىنىڭ يەسٸ ەرقانات تايجانوۆتىڭ مٷلكٸ تەركٸلەنگەن بولاتىن.
